Þyrla Magnúsar seld úr landi

27.Maí'10 | 11:17

Mk

Lúxusþyrla Magnúsar Kristinssonar, útgerðar- og athafnamanns í Vestmannaeyjum, sem hefur verið þjónustuð af Þyrluþjónustunni, hefur verið seld og var flutt úr landi í morgun eftir að hafa verið á sölu í eitt og hálft ár.
Þyrlan TF-HMK sem Magnús Kristinsson, útgerðarmaður í Vestmannaeyjum, hefur iðulega flogið á milli lands og eyja og í ýmsar styttri ferðir innanlands er af gerðinni Bell 430. Þyrlan hefur nú verið auglýst til sölu í átján mánuði hjá vefsíðunni Helicopter Exchange. Það var svo í morgun sem hún kvaddi íslenska grundu því hún hefur verið seld til útlanda.
 
Þyrlan er vel búin og með fuglheldum framrúðum, skyggðum hliðargluggum og gullhúðuðum dyrahúnum og dyraþrepum. Vélin tekur átta farþega og var nýskráð árið 1999. Gangverð á slíkum vélum er í kringum 4-5 milljónir dollara eða rúmlega hálfur milljarður króna.
 
Þyrlan góða var í miklu uppáhaldi hjá Magnúsi og veggi skrifstofu hans í eyjum prýddu myndir af gripnum.
 
Í samtali við fréttastofu í dag sagðist Magnús hafa selt vélina fyrir þónokkru síðan, en hann vildi ekki gefa upp hversu mikið hann hefði fengið fyrir hana. Magnús sagðist í dag reiða sig á Herjólf til að skreppa í land og aðrar samgöngur sem í boði væru.
 
www.visir.is greindi frá

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).