Rétt handan hornsins er....

27.Maí'10 | 00:17
Kjördagur er svo að segja rétt handan hornsins. Kannski erum við flest búin að gera upp hugi okkar um hvað við kjósum á laugardaginn. Sumum okkar finnst litlu sem engu máli skipta hverjir stjórna bænum á sama tíma og öðrum finnst það afar mikilvægt. Ég er einn þeirra sem tel miklu máli skipta hverjir fara með málefni okkar bæjarbúa næstu fjögur árin árin. Ástæðurnar eru margar, sumar viðamiklar en aðrar vega minna en vega samt. Þegar öllu er á botninn hvolft má kannski segja að ég vilji stjórnendur sem uppfylla þessi skilyrði:
• Stjórnendurnir bæjarfélagsins verða að hafa heildarhagsmuni bæjarbúa að leiðarljósi, hvorki sína sérhagsmuni né vina sinna og vandamanna.
• Stjórnendur bæjarfélagsins verða að sýna öllum bæjarbúum kurteisi enda eru þessir sömu stjórnendur að þjóna bæjarbúum en ekki öfugt.
• Stjórnendur bæjarfélagsins verða að virða og þola réttmæta gagnrýni og taka mark á henni í stað þess að bregðast illir við og jafnvel hafa í hótunum.
• Stjórnendur bæjarfélagsins verða að kappkosta að eiga gott samstarf við þingmenn allra flokka og eðlileg samskipti við stjórnvöld hverju sinni.
• Stjórnendur bæjarfélagsins verða að geta stjórnað með almenningi og fyrir almenning.
Ef stjórnendur uppfylla þessi skilyrði eru þeir trausts verðir og eiga fullt erindi í stjórn bæjarins. Ef þeir uppfylla skilyrðin ekki eiga þeir alls ekkert erindi í bæjarstjórn.
Ég veit ekki hversu vel Sjálfstæðismenn og Framsóknarmenn uppfylla þessi skilyrði. Það verða lesendur að meta með sjálfum sér. Ég veit hins vegar að frambjóðendur Vestmannaeyjalistans hafa gert þessi skilyrði að sínu leiðarljósi og þess vegna er mikilvægt að Vestmannaeyjalistinn komi sem öflugastur út úr kosningunum á laugardag. Það gerum við með því að hika ekki við að kjósa Vestmannaeyjalistann til að gæta hagsmuna okkar Vestmannaeyinga.
 
       Kjósum því X V
Ragnar Óskarsson
 
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).