Grásleppur búnar að hrygna

25.Maí'10 | 21:36
„Við erum búin að vera bíða eftir þessu frá því snemma í vetur. Við erum með tvær grásleppur og þrjá rauðmaga. Einn hefur orðið rauðari og rauðari undanfarna tvo mánuði að hann passar báðar kerlingarnar. Hann hefur rekið hina í burtu,“ segir Georg Skæringsson, verk- og tæknistjóri Þekkingarsetursins í Vestmannaeyjum, um tíðindi á setrinu í dag.
„Þeir hafa engan lit tekið greyin og þessi rauðmagi hefur alveg séð um að vakta þær og velja stað fyrir hrognin. Svo gerðist það loksins í dag að hún virðist hafa hrygnt önnur þeirra.
 
Rauðmaginn vaktar hrognin því um leið og grásleppan er búin að hrygna fer hún frá og skiptir sér ekkert meira af þessu. Rauðmaginn tekur þá við og vaktar hrognin og passar að það sé gott flæði. Hann sér um frjógvunina.“
 
- Hvernig er tímasetningin?
 
„Ég held að hún sé í seinna lagi. Þær eru yfirleitt búnar að hrygna aðeins fyrr í febrúar, mars í síðasta lagi. Það er ekkert óalgengt í febrúar/mars.“
 
Setrið hét áður Rannsóknarsetur Vestmannaeyjum en nafni þess var breytt árið 2008 í Þekkingarsetur Vestmannaeyja. Það er til húsa við Strandveg í byggingu sem er kölluð „Hvíta húsið“ í bænum.
 
Náttúrustofa og Hafrannsóknastofnun leigja hluta húsnæðisins af setrinu ásamt fleiri stofnunum.
 
„Okkar megin markmið er bæði rannsóknir og verkefni. Nú um áramót tókum við að okkur rekstur fiskasafnsins, sjáum um að reka það fyrir bæinn. Hann var með reksturinn. Við höfum verið þokkalega öflug í að ná í dýr og láta vita af okkur í vetur,“ segir Georg Skæringsson.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.