Fimm marka fyrri hálfleikur í sigri ÍBV á FH

Umfjöllun frá fotbolta.net

21.Maí'10 | 01:34
 Eyjamennn heimsóttu Íslandsmeistara FH í Kaplakrika í kvöld og það má með sanni segja að úrslit kvöldsins hafi verið óvænt.
 
Ein breyting var í liði FH Frá sigrinum gegn Haukum en Jacub Nestrup kom inn fyrir meiddan Gunnar Már Guðmundsson. Hjá ÍBV voru tvær breytingar frá liðinu gegn Val, Rasmus Christansen og Eyþór Helgi komu inn fyrir Dennis Sytnik og Yngva Borþórsson.
 
 
 
 
Eyjamenn byrjuðu leikinn betur og á elleftu mínútu komst liðið yfir. Andri Ólafsson gaf fyrir markið á Eyþór Helga Birgisson sem skoraði framhjá Gunnleifi í markinu. Vel gert hjá Eyjamönnum.
 
Það var svo átta mínútum síðar sem Eyjamenn bættu við öðru marki, Tryggvi Guðmundsson tók hornspyrnu frá hægri og Eiður Aron Sigurbjörnssonn skallaði boltann í netið.
 
Á 25. Mínútu náði Torget Motland að minnka muninn fyrir heimamenn. Guðmundur Sævarsson fékk þá boltann á hægri kanti og gaf fyrir markið þar sem Motland var mættur og skallaði hann boltann í netið.
 
En eins og í öllum fyrri hálfleiknum var ekki skammt stórra högga á milli því sex mínútum síðar skoruðu Eyjamenn aftur. Eyþór Helgi Birgisson sem var frábær í leiknum lék sér að Tommy Nielsen sem braut svo á honum og Valgeir Valgeirsson dæmdi vítaspyrnu. Tryggvi Guðmundsson, gamli FH-ingurinn fór á punktinn og skoraði en hann setti Gunnleif í vitlaust horn.
 
Skömmu síðar hefði svo Tryggvi Guðmundsson geta komið Eyjamönnum í þriggja marka forystu en Gunnleifur varði vel frá honum.
 
Þegar rúmar fimm mínútur voru eftir af fyrri hálfleik náðu FH-ingar aftur að minnka muninn þegar Ásgeir Gunnar skoraði þriðja skallamark leiksins. Aftur var þeð Guðmundur Sævarsson sem gaf fyrir markið og Ásgeir Gunnar skallaði framhjá Alberti Sævarssyni markverði ÍBV:
 
Staðan 2-3 þegar leikmenn gengu til búningsherbergja í frábærum leik.
 
Tryggvi Guðmundsson var nálægt því að auka forystu ÍBV eftir fimm mínútna leik í síðari hálfleik. Matt Garner tók aukspyrnu á hægri kantinum, Andri Ólafsson skallaði boltann svo lengra inn á teiginn þar sem boltinn hrökk til Tryggvi sem setti boltann framhjá.
 
Á 65. mínútu var Björn Daníel Sverrisson í tvígang nálægt því að skora, hann skaut að marki með vinstri fæti en Albert varði í horn. Ólafur Páll tók hornspyrnuna og þar var Björn nálægt því að skora með skalla en boltinn rétt framhjá.
 
Skömmu síðar var Andri Ólafsson í ákjósanlegu færi, Matt Garner gaf þá á hann og Andri snéri á Hafþór Þrastarsson en missti boltann aðeins of langt frá sér og Gunnleifur Gunnleifsson kom vel á móti og varði.
 
Hvorugu liðinu tókst að skora fleiri mörk og frábær sigur Eyjamanna því staðreynd. Eyjamenn spiluðu frábærlega í leiknum og áttu sigurinn skilið.
 
FH-ingar verða hinsvegar að líta í eginn barm því liðið var slakt í dag og líklegt að liðið hafi vanmetið lið ÍBV
 
Eyþór Helgi Birgisson var frábær í leiknum líkt og þeir James Hurst, Finnur Ólafsson og Andri Ólafsson sem allir áttu góðan dag.
 
FH (4-3-3): Gunnleifur Gunnleifsson (M), (F), Guðmundur Sævarsson, Tommy Nielsen (Hjörtur Logi Valgarðsson, 59), Hafþór Þrastarson, Pétur Viðarsson, Ásgeir Gunnar Ásgeirsson (Matthías Vilhjálmsson, 71), Björn Daníel Sverrisson, Jacob Neestrup (Atli Guðnason, 59), Ólafur Páll Snorrason, Atli Viðar Björnsson, Torger Motland.
Ónotaðir varamenn: Gunnar Sigurðsson, Hákon Hallfreðsson, Helgi Valur Pálsson, Einar Karl Ingvarsson.
 
ÍBV (4-3-3): Albert Sævarsson (M), James Hurst, Rasmus Christansen, Eiður Aron Sigurbjörnsson Matt Garner, Finnur Ólafsson, Andri Ólafsson (F), Tryggvi Guðmundsson, Tony Maweje (Arnór Eyvar Ólafsson, 74), Eyþór Helgi Birgisson (Gauti Þorvarðarson¸83), Þórarinn Ingi Valdimarsson (Ásgeir Aron Ásgeirsson, 77).
Ónotaðir varamenn: Elías Fannar Stefánsson, Anton Bjarnason, Kjartan Guðjónsson, Hjálmar Viðarsson.
 
Áhorfendur: 1527 voru á Kaplakrika.
Dómari: Valgeir Valgeirsson
Aðstæður: Veðrið fínt en völlurinn í slæmu standi.
Maður leiksins: Eyþór Helgi Birgisson (ÍBV)
 
 
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.