Áfram Vestmannaeyjar

Ragnar Óskarsson skrifar

18.Maí'10 | 15:36

Raggi Óskars, Ragnar óskarsson

Ég naut þeirra forréttinda að vera kosinn í bæjarstjórn Vestmannaeyja í rúm 20 ár. Ég átti þess kost með mörgu góðu fólki að taka þátt í að byggja upp og vinna að mörgum framfarmálum í Vestmannaeyjum. Stundum gekk þetta vel og menn unnu í sátt og samlyndi en einnig gerðist það að menn deildu um menn, málefni og leiðir í viðleitni sinni til að vinna fyrir bæjarfélagið. Stundum voru þessar deilur illvígar og stundum var full ástæða til þess að efast um að þær leiddu til heilla fyrir Vestmannaeyjar.
Ég rifja þetta upp hér vegna þess að það kjörtímabil sem nú er að ljúka hefur á margan hátt reynst kjörtímabil friðar og samstöðu. Meiri- og minnihluti hafa í mörgum stórum málum unnið samhent starf og minna hefur farið fyrir stórvægilegum átökum. Með þessum hætti hefur Vestmannaeyjalistanum tekist að koma fram mörgum mikilvægum hagsmunamálum Vestmannaeyinga og haft frumkvæði á fjölmörgum sviðum í bæjarstjórn.
 
 
Nú kann einhver að álykta sem svo hvort ekki væri best valdahlutföll í bæjarstjórn héldust eins í þeim kosningum sem fram fara 29. maí. Svarið við þessu er einfalt, nefnilega: Vestmannaeyjalistinn hefur haft frumkvæði í mörgum mjög mikilvægum hagsmunamálum og því er afar mikilvægt að hann fái góðu útkomu úr kosningunum svo hann geti unnið áfram og sterkar að uppbyggingu í Vestmannaeyjum.
 

Mig langar í lokin að nefna örfá dæmi um nokkur atriði sem Vestmannaeyjalistinn mun hafa að leiðarljósi á komandi kjörtímabili.
• Allar framkvæmdir á vegum bæjarfélagsins verða vel ígrundaðar og undirbúnar og eiga ekki að fara langt fram úr kostnaðaráætlunum.
• Skipulagsmál verða unnin í nánu samráði við bæjarbúa en ekki gegn vilja þeirra.
• Þegar ráðið verður í störf á vegum bæjarins verða fagleg sjónarmið látin ráða en ekki vinátta, vensl og annað sem ekki stenst heiðarleg vinnubrögð.
• Kappkostað verður að halda sem bestri samvinnu við stjórnvöld.
• Lýðræðisleg vinnubrögð verða efld í stjórnun bæjarins almennt og skoðanir íbúa fá þyngra vægi.
 

Það er því mikilvægt að Vestmannaeyjalistinn verði sterkt afl í kosningunum 29. maí. Kjósum X V!
 
Ragnar Óskarsson
 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.