Mýflug annast sjúkraflug til Vestmannaeyja

8.Maí'10 | 13:04
Sjúkratryggingar Íslands gengu í dag frá tímabundnu samkomulagi við Mýflug vegna sjúkraflugs á Vestmannaeyjasvæði. Með samningnum verður þjónusta í sjúkraflugi vegna Vestmannaeyja tryggð. Flugfélag Vestmannaeyja, sem sinnt hefur fluginu undanfarið, hefur misst flugrekstrarleyfi sitt. Því hafa Sjúkratryggingar Íslands sagt upp samningi sínum við félagið, að því er segir í tilkynningu.
„Vél Mýflugs, sem þjónusta mun Vestmannaeyjar, er staðsett á Akureyri. Hún er af gerðinni Beechcraft King Air 200. Í vélinni er allur nauðsynlegur búnaður sem þarf til sjúkraflugs. Hún er mönnuð heilbrigðisstarfsfólki frá Akureyri og sjúkraflutningamönnum frá Slökkviliði Akureyrar.
 
Skilgreindur viðbragðstími hjá Mýflugi er 35 mínútur frá því beiðni berst þar til flugvélin er tilbúin til flugtaks frá Akureyrarflugvelli. Vélin er hraðfleyg og er um 40-45 mínútur á leið til Vestmannaeyja.
 
Þyrlur Landhelgisgæslunnar eru reiðubúnar að taka að sér sjúkraflug á Vestmannaeyjasvæði ef vél Mýflugs getur ekki lent í Vestmannaeyjum.
 
Í fyrra voru farin 86 sjúkraflug í Vestmannaeyjum."
 
www.mbl.is greindi frá
 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.