Öflugt tómstunda- og æskulýðsstarf besta forvörnin

Gígja Óskarsdóttir skrifar

6.Maí'10 | 13:16
Tómstunda- og æskulýðsstarf er í miklum blóma í Vestmannaeyjum. Við búum svo vel að eiga öflug íþróttafélög og í boði eru fjölmargar greinar. Aðstaða til íþróttaiðkunar er til fyrirmyndar og fer batnandi með tilkomu fjölnota íþróttahússins sem framkvæmdir eru hafnar við. Öll aðstaða er skipulögð á sama svæðinu við íþróttahúsið sem gerir ástundun einfaldari, sérstaklega fyrir börn og unglinga. Vestmannaeyjabær hefur unnið að því með íþróttafélögunum að æfingar yngstu barnanna byrji fyrr á daginn þannig að þeirra vinnudegi ljúki fyrir kl. 17 en dragist ekki fram á kvöld. Grunnskólinn hefur lagt sitt af mörkum og reynt að taka tillit til þessa í töflugerð þar sem leikfimi hefur verið færð framar í stundatöflurnar svo salir íþróttahúsanna verði lausir fyrir æfingar.
 
Æskulýðsstarf á vegum bæjarins hefur tekið talsverðum breytingum síðustu árin og ber þá fyrst að nefna flutning Féló á Rauðagerði. Rauðagerði er vel til starfseminnar fallið, það er á jarðhæð og aðgengi því til fyrirmyndar auk þess sem staðsetningin er góð enda stutt í barnaskólann. Þar er nú fjölbreytt starfsemi og er miðað við að þróa starfsemina í átt að Húsi frítímans í Skagafirði sem nýtist ólíkum þjóðfélags- og aldurshópum, þar sem allur aldur kemur saman að tómstundastarfi. Tilraun var gerð með rekstur á húsnæði fyrir ungt fólk á aldrinum 16-25 ára, Vosbúð og var húsið rekið í 2 ár en við breytingu á starfsemi Féló var starfsemi Vosbúðar sameinuð þeirri starfsemi og rúmar Rauðagerði því alla þessa aldurshópa. Auk þess er opið á daginn fyrir allan aldur og er öllum frjálst að nýta húsnæðið til eigin áhugamála eða afþreyingar. Rauðagerði er því í dag orðin frístundamiðstöð Eyjamanna þar sem hægt er að prjóna með ömmu eða taka skák við afa.
Auk íþróttafélaga er öflugt leikfélag í Vestmannaeyjum, skátafélag, taflfélag og fleiri félög en bærinn styrkir alla þessa starfsemi. Vestmannaeyjabær hefur ennfremur átt gott samstarf við skátana, fimleikana og frjálsar um að bjóða upp á sumarstarf fyrir börn á grunnskólaaldri sem naut mikilla vinsælda. Ekki er hægt að láta þessari upptalningu lokið án þess að minnast á Tónlistarskólann en þar fer fram öflug starfsemi sem ég tel að allir geta verið stoltir af. Þar stunda 170-190 nemendur nám á hin ýmsu hljóðfæri auk söngnáms. Tónlistarskólinn er lykilaðilinn í því hve margar öflugar lúðrasveitir eru í Vestmannaeyjum, skipaðar úrvalstónlistarfólki auk þess sem skólinn leggur menningunni lið með metnaðarfullu starfi sínu en þess má m.a geta að í maí eru fyrirhugaðir þriðju Tríkot og lúðró tónleikarnir en húsfyllir hefur verið í hin skiptin.
Allt ofantalið gerir samfélagið sem við búum í fjölskylduvænt, gott og líflegt. Nauðsynlegt er að vinna áfram í þessum málaflokkum og styðja við þessa starfsemi þar sem þeir eru mikilvægir og um fram allt hafa mikið forvarnargildi í samfélaginu.
 
Gígja Óskarsdóttir
Frambjóðandi Sjálfstæðisflokksins
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.