Framkvæmd við fjölnota íþróttahús miðar vel

Hugmyndin er að knattspyrnan geti hafið æfingar inni eftir fríið í haust

4.Maí'10 | 20:17
Fljótlega mun hér rísa stórglæsilegt fjölnota íþróttahús við Týssheimilið. Mikill gangur hefur verið á framkvæmdinni og settum við okkur í samband við Magnús Sigurðsson hjá Steina og Olla og spurðum hvernig framkvæmdin gengi fyrir sig.

 
 

 
,,Framkvæmdin gengur mjög vel. Búið er að reisa sökkla og spyrnur hússins og nú er verið að reisa veggina. Einnig er verið að fylla inn í sökkla og kringum húsið. Stálgrindin er komin til Vestmannaeyja og fyrirhugað er að byrja reisa stálgrindina um mánaðarmótin júní-júlí. Hugmyndin er að knattspyrnan geti hafið æfingar inni eftir fríið í haust."
 
Í Vestmannaeyjabæ er mikið um framkvæmdir þessa dagana líkt og þessar. Framkvæmd sem þessi skapar aukna atvinnumöguleika fyrir iðnaðarmenn og verktaka. Hvað margir sinna störfum við knattspyrnuhúsið? 
 
,,Fjöldi starfsmanna í kringum bygginguna í dag eru 14-17 starfsmenn þegar allt er talið. Þessum fjölda á bara eftir að fjölga þegar byrjað verður að vinna í fleiri verkþáttum."
 
Fjölnota íþróttahús er ekki einungis ætlað til knattspyrnuiðkunar heldur mun það nýtast Vestmannaeyingum mjög vel. Þarna mun fjölbreyttur hópur fólks sem iðkar íþróttir getað notið góðs af góðri aðstöðu innanhús.
 
 
,,Fjölnota Íþróttahúsið á eftir að nýtast Vestmannaeyjingum mjög vel, ekki bara knattspyrnunni. Tilkoma þessa húss þýðir það að það munu losa tímar í Íþróttahúsum bæjarins þannig að allar íþróttagreinar eiga eftir njóta góðs af því. Frjálsar Íþróttir munu fá flotta aðstöðu í þessu húsi, knattspyrnumenn fá loksins sambærilega aðstöðu eins og aðrir knattspyrnumenn landsins njóta í dag, golfarar ættu að geta notað þessa aðstöðu og einnig fá eldri borgara flotta aðstöðu til að hreyfa sig þegar veður eru slæm úti. Þarna geta eldri borgarar komið og farið í göngur í góðu skjóli. Þannig að það er ekki spurning að þetta hús á eftir að nýtast Vestmannaeyjingum vel."
 
 
 

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).