Bæjarstjórnarkosningar 2010

Leifur Jóhannesson skrifar

14.Apríl'10 | 00:45
Þann 29 maí göngum við til kosninga, miklar vangaveltur eru á framboðum flokkana hér í Eyjum. Sjálfstæðismenn hafa birt sinn lista sem er frábær i einu orði. Efstu fjórir eru þeir sömu og fyrir fjórum árum, það finnst mér mjög skiljanlegt. Til hver að breyta því sem er að virka? Hér á okkar frábæru eyju er lífið ljúft, atvinnuleysi í lágmarki, efnahagur bæjarins hefur aldrei verið betri, knattspyrnuhús að rísa, vinna við endurbætur á upptökumannvirkjum hafnarinnar komnar í fullan gang og endurbætur á útisvæði við sundhöllina á loka stigi.
 
Þó svo að fjögur efstu séu þau sömu þá er hellings nýliðun á listanum, alls eru 8 nýir á lista sem verður nú að teljast mjög gott. Eyverjar geta líka vel við unað, eru með fjóra glæsilega fulltrúa á listanum sem er glæsilegt fyrir þetta öfluga félag.
 
Maður spyr sig hver baráttumálin verða í þessum kosningum, þar sem að fjármál bæjarins eru í góðu standi þá er viðbúið að baráttan komi til með að snúast um "minni" mál svo sem skipulagsmál, leikskólapláss og nýsköpun í atvinnumálum í eyjum. Hvað varðar leikskólaplássin þá lagast það vonandi með tilkomu 5 ára deildar í grunnskólana. En eins og segir í laginu ,,fólkinu fjölgar í eyjuna enn“ þá þarf að fara gera ráðstafanir til þess að stytta biðlistana inná leikskólana.
 
Svo er eitt sem mér finnst mikilvægt fyrir eyjamenn og það er nýsköpun í atvinnu, af hverju? Jú það er árás á okkar aðal atvinnugrein sem kallast Fyrningaleiðin sem er greinilega ákaflega mikilvægt þessari blessuðu vinstri stjórn, að breyta sjávarútveginum. Mér er það bara lífsins óskiljanlegt, atvinnugreinin er að skila gríðarlegum fjármunum í kassann fyrir ríkið, sú leið sem fyrirhuguð er er einfaldlega banabiti fyrir sjávarbæ eins og Vestmannaeyjar, fyrirtæki í þessum bransa eru bara á bremsunni og þora ekki í stórvægilegar framkvæmdir með svoleiðis vitleysisgang eins of fyrningarleiðin er. Við sjálfstæðismenn stöndum vörð um sjávarútveginn, viljum ekki ganga eins langt og frjálslyndir en allavega auka við kvótann, ekkert fyrningarleiðar bull.
 
Leifur Jóhannesson
Varaformaður Eyverja
 

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.