Sparisjóður höfðar mál á hendur ábyrgðarmönnum

11.Apríl'10 | 19:20

Sparisjóðurinn

Sparisjóður Vestmannaeyja hefur höfðað dómsmál á hendur tveimur ábyrgðarmönnum konu sem fór í greiðsluaðlögun. Sparisjóðurinn krefst þess að ábyrgðarmennirnir greiði skuldir hennar þrátt fyrir að það sé bannað samkvæmt lögum. Sjóðurinn telur ákvæðin í nýlegum ábyrgðamannalögum andstæð stjórnarskrá.
Kona á fimmtugsaldri sem er 75% öryrki fékk samþykkta greiðsluaðlögun í Héraðsdómi Reykjavíkur í haust í fyrra en hún skuldaði Sparisjóði Vestmannaeyja um tvær milljónir króna. Samkvæmt lögum sem sett voru í fyrra eiga ábyrgðamenn fólks sem farið hefur í gegnum greiðsluaðlögun ekki að gangast í ábyrgð fyrir skuldir viðkomandi.
 
Þetta er Sparisjóður Vestmannaeyja ekki tilbúinn að fallast á og hefur nú höfðað mál gegn bróður og tæplega áttræðri móður konunnar sem gengust í ábyrgð fyrir skuldir hennar. Málið var flutt í Héraðsdómi Suðurlands 18. febrúar síðastliðinn og er dóms að vænta í næstu viku.
 
Ásgeir Jónsson hæstaréttarlögmaður sem flutti málið fyrir sparisjóðinn segir sjóðinn telja að ákvæði í lögum um ábyrgðarmenn brjóti gegn eignaréttarákvæðum stjórnarskrárinnar. Kröfuhafar séu sviptir afturvirkt rétti sínum til að ganga að ábyrgðamönnum.
 
Lögin gilda um allar ábyrgðir sem stofnað er til fyrir gildistöku laganna.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Jólablað Eyjalistans

22.Desember'18

Út er komið jólablað Eyjalistans. Hér má lesa blaðið.