Nóg af verkefnum hjá lögreglunni um páskana.

Innbrot, líkamsárásir og 14 kærur vegna borta á umferðalögum.

6.Apríl'10 | 17:42
Það var í mörg horn að líta hjá lögreglu í sl. viku og um Páskahelgina, enda töluvert um skemmtanir á skemmtistöðum bæjarins. Nokkuð var um pústra á og við skemmtistaði og voru tvær líkamsárásir kærðar til lögreglu. Þá var eitthvað um kvartanir vegna hávaða í heimahúsum auk þess sem aðstoða þurfti fólk vegna hinna ýmsu atvika sem upp komu, er tengdust ölvunarástandi þess.
 
Tvær líkamsárásir voru kærðar til lögreglu eftir Páskahelgina og var í báðum tilvikum um minniháttar áverka að ræða. Báðar árásirnar áttu sér stað aðfaranótt 3. apríl sl., önnur í Höllinni þar sem dyravörður var sleginn af gesti staðarins.
 
 
 
Hin átti sér stað við heimahús í Áshamri og var árásarmaðurinn handtekinn og fékk gistingu í fangageymslu lögreglustöðvarinnar þar til hann var hæfur til skýrslutöku. Sami aðili mun hafa skemmt bifreiðar fyrir utan sama hús.
 
Miðvikudaginn 31. mars sl. var lögreglu tilkynnt um þjófnað á verkfærum og smáhlutum frá Gisithúsinu Hamri. Sama dag var tilkynnt um innbrot á Pizza 67 en þaðan var stolið bjór, sterku áfengi og peningum. Ekki er vitað hver eða hverjir þarna voru að verki en grunur leikur á að sami aðili sé að verki. Biður lögreglan þá sem einhverjar upplýsingar hafa um hugsanlega gerendur í þessum tveimur tilviku að hafa samband.
 
Alls liggja fyrir 14 kærur vegna brota á umferðarlögum eftir síðustu viku, þar af voru fjórir stöðvaðir vegna hraðaksturs, fimm fyrir að tala í farsíma í akstri án handfrjáls búnaðar og einn fyrir að aka án þess að hafa öryggisbeltið spennt. Þá voru tveir drengir stöðvaðir á torfæruhjóli á Fellavegi en báðir voru þeir réttindalausir auk þess sem hjólin voru óskráð.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).