Líf og fjör í Landeyjahöfn

http://www.sigling.is

6.Apríl'10 | 13:25
Miklar og fjölbreyttar framkvæmdir eru nú í gangi Í Landeyjahöfn og vinna þar nú samtals hátt í 70 manns.
 
Nýhafnar eru framkvæmdir við dýpkun sem Siglingastofnun bauð út í nóvember. Verktaki er Björgun ehf. sem átti lægsta tilboð. Við verkið er notað dýpkunarskipið Perlan en samhliða vinnur fyrirtækið að viðhaldsdýpkun í Vestmannaeyjahöfn og notar til þess sama skip.
Innsiglingin inn í hina nýju höfn verður 7 metra djúp. Í þessum fyrri dýpkunaráfanga ársins er áætlað að dýpka um u.þ.b. 190 þúsund rúmmetra af sandi sem losaður er aftur í sjóinn vestanmegin við höfnina. Framkvæmdin fór vel af stað og náðust nú um páskana 14 þúsund rúmmetrar af sandi.
www.sigling.isBygging brimvarnargarða er enn í gangi á vegum Suðurverks. Um leið sér sami verktaki um mótun innri hafnarinnar og snúningssvæðis fyrir ferjuna, auk þess að byggja bryggjuna. Er hún steypt á stálstaurum sem reknir eru með sérstökum lofthamri á 24 metra dýpi. Verkið gengur prýðilega, en búið er að reka og steypa ofan í staurana og steypa burðarbita bryggjunnar. Bryggjan er byggð á þurru og verður síðar grafið frá henni.
 
Einnig er verið að reisa farþegaaðstöðu en um þá framkvæmd sér fyrirtækið S.Á. verklausnir. Húsið verður tveggja hæða og hefur 1. hæðin þegar verið steypt. Aðstaðan á að vera tilbúin 1. júlí þegar Herjólfur siglir í fyrsta sinn með farþega inn í nýju höfnina.
 
Verkfræðistofan Verkís er um þessar mundir að hanna lóð hafnasvæðisins með tilheyrandi aðkomu og bílastæðum og ráðgert er að bjóða þær framkvæmdir út í mánuðinum.
 
Meðfylgjandi loftmynd var tekin nú um páskahelgina af Arnóri Páli Valdimarssyni hjá Flugfélagi Vestmannaeyja og á henni sést vel umfang framkvæmda á svæðinu. Aðrar myndir eru teknar af Óskari Óskarssyni og Guðmundi Guðmundssyni og sýna framkvæmdir við farþegaaðstöðu og bryggju auk dýpkunarskipisins Perlu.
 
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).