„Ég vil ekki enda ferilinn með þessum hætti“

segir Hermann Hreiðarsson

31.Mars'10 | 08:14

Hemmi Hreiðars Hermann Hreiðarsson

,,Ég fór í myndatöku í gær og fékk þá niðurstöðu að hásinin á vinstri fætinum er slitin eins og ég vissi. Ég heyrði smellinn og fann strax að hásinin hefði slitnað og því komu þessar fréttir mér ekkert á óvart,“ sagði Hermann Hreiðarsson, leikmaður enska úrvalsdeildarliðsins Portsmouth og fyrirliði íslenska landsliðsins í knattspyrnu, í samtali við Morgunblaðið í gær.
HERMANN varð fyrir meiðslunum í seinni hálfleik í viðureign Portsmouth og Tottenham á White Hart Lane á laugardaginn og var hann borinn af velli sárþjáður.
 
,,Þetta var ansi sárt. Ég var búinn að finna til öðru hverju í báðum hásinum en þetta kom samt ansi óvænt. Það var enginn nálægt mér og það var engu líkara en ég hefði verið skotinn í fótinn.“
 
Hermann sagði í samtali við Morgunblaðið að hann myndi gangast undir aðgerð í London í næstu viku en reiknað er með að hann verði frá knattspyrnuiðkun næsta hálfa árið. Hann verður samkvæmt því frá keppni næsta hálfa árið og þar með er nokkuð ljóst að hann missir af landsleikjum Íslands í haust gegn Noregi, Danmörku og væntanlega einnig Portúgal, í undankeppni Evrópumótsins. Tveir fyrri leikirnir eru í byrjun september og Portúgalar mæta á Laugardalsvöllinn 12. október.
 
Staðráðinn í að snúa til baka
,,Þetta eru engin uppáhaldsmeiðsli hjá fólki en ég er staðráðinn í að snúa aftur til baka. Ég vil ekki enda ferilinn með þessum hætti. Auðvitað veltur mikið á að aðgerðin takist vel sem og endurhæfingin en ég stefni svo á að fara á fullt aftur,“ sagði Hermann.
 
Eyjamaðurinn öflugi verður 36 ára gamall í júlímánuði en atvinnumannsferill hans á Englandi spannar 13 ár og flest af þeim hefur hann spilað í úrvalsdeildinni. Samningur hans við Portsmouth rennur út eftir tímabilið og er ljóst er að suðurstrandarliðið leikur í 1. deildinni á næstu leiktíð en gríðarleg fjárhagsvandræði hafa verið hjá félaginu sem endaði með því að það fór í greiðslustöðvun fyrir nokkrum vikum og í kjölfarið voru 9 stig dregin af því, samkvæmt reglum úrvalsdeildarinnar.
 
Samningslaus í sumar
,,Það er algjörlega óvíst hvað tekur við hjá mér. Ég er samningslaus í sumar og veit ekki hvað framtíðin mun bera í skauti sér. Það kemur alveg til greina að vera áfram hjá Portsmouth en þessi mál hafa ekkert verið rædd. Ég verð að vita hver verður stjóri hjá félaginu og hvaða leikmenn verða til staðar. Það hafa verið miklir óvissutímar hjá félaginu og verða það eitthvað áfram. Á endanum hlýtur einhver að taka félagið yfir og gera eitthvað almennilegt sem Portsmouth á skilið. Fram að því mun ég bara einbeita mér að því að hugsa vel um mig og reyna að fá skjótan bata,“ sagði Hermann.
 
Nánar í Morgunblaðinu í dag
 
Þetta hlýtur að vera eitt skrýtnasta tímabilið sem þú hefur upplifað á þínum langa ferli.
 

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.