Eyþór Helgi með stórsýningu í Egilshöll

20.Febrúar'10 | 17:33

fótbolti

ÍBV vann stórsigur á ÍBV í Lengjubikar karla í Egilshöll í dag en áður en yfir lauk urðu mörk Eyjamanna í leiknum sex og Eyþór Helgi Birgisson sem lék með Ými í 3. deild á síðustu leiktíð skoraði fjögur marka ÍBV.
ÍR byrjaði leikinn betur og sluppu í gegn eftir aðeins 35 sekúndna leik en Albert Sævarsson varði vel.

Á sjöundu mínútu fengu ÍR-ingar annað dauðaværi, eftir skyndisókn lagði Björn Viðar Ásbjörnsson boltann á Hauk Ólafsson en aftur varði Albert.

Þá var komið að Eyjamönnum, Eyþór Helgi Birgisson komst í dauðafæri en Þorsteinn í marki ÍR varði frá honum. Anton Bjarnason fékk einnig dauðafæri og komst einn gegn Þorsteini en gleymdi boltanum og ekkert varð því úr færinu.

Eyjamenn sköpuðu sér svo tvö dauðafæri í viðbót áður en þeim tókst loksins að skora. Tryggvi Guðmundsson átti stóran þátt í uppbyggingu þess marks en boltinn endaði hjá Eyþór Helgi Birgisson renndi boltanum framhjá Þorsteini í markinu, 0-1 og ísinn brotinn.

Ekki voru fleiri mörk skoruð í fyrri hálfleik en Eyjamenn héldu áfram stórsókn og sköpuðu sér tvö dauðafæri áður en brotið var á Tryggva Guðmundssyni og víti dæmt. Tryggvi fór sjálfur á punktinn og vippaði boltanum í mitt markið.

Þá var komið að sýningu Eyþórs Helga sem skoraði á 61. mínútu eftir að hafa sloppið einn í gegnum slaka vörn ÍR sem vissi oft á tíðum ekki hvort hún var að koma eða fara í leiknum. Hann kláraði færið auðveldlega og kom ÍBV í 0-3. Aðeins fimm mínútum síðar vann Tonny Mawejje boltann á miðjunni og hann gaf boltann innfyrir á Eyþór sem aftur var einn gegn Þorsteini og skoraði.

Markaveislan hélt áfram og aðeins tveimur mínútum eftir að Eyþór innsiglaði þrennuna bættu Eyjamenn fimmta markinu við. Tryggvi tók þá aukaspyrnu utan af velli og sendi hana á fjærsögn þar sem Ásgeir Aron Ásgeirsson skallaði boltan inn.

Eyjamenn gerðu svo smá hlé á markaskorun, það er að segja í níu mínútur, Eyþór Helgi Birgisson slapp þá enn einu sinni í gegnum vörn ÍR-inga, í þetta skiptið eftir sendingu Tryggva Guðmundssonar, og eins og svo oft áður átti hann ekki í miklum vandræðum með að skora, sendi boltann framhjá Þorsteini. Lokatölur 0-6 fyrir ÍBV.

Frétt frá Fótbolta.net. Sjá alla fréttina: http://fotbolti.net/fullStory.php?action=viewStory&id=87587#ixzz0g6AaGucx

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).