Það skýtur því skökku við að Íslensk stjórnvöld hyggist afnema með öllu afslátt til íslenskra sjómanna.

19.Febrúar'10 | 14:16

Kap ve VSV

Bæjarstjórn Vestmannaeyja fundaði í gær og var m.a. samþykkt ályktun þar sem skorað er á ríkisstjórn Íslands að láta af áætlunum um að afnema sjómannaafsláttinn.
Bæjarstjórn Vestmannaeyja hvetur ríkisstjórn Íslands til að láta af áætlunum um afnám sjómannaafsláttar.

Samkvæmt nýju frumvarpi fjármálaráðherra sem lagt hefur verið fram á alþingi verður sjómannaafslátturinn afnuminn í áföngum næstu fimm árin. Verði frumvarpið samþykkt hefur það í för með sér að kjör sex þúsund sjómanna skerðast verulega. Sé horft til Vestmannaeyja þá liggur fyrir að slík samþykkt myndi skerða kjör sjómanna í Vestmannaeyjum um rúmlega 94 milljónir á ári ef miðað er við árið 2008.

Bæjarstjórn Vestmannaeyja bendir á að sjómannaafslátturinn er viðtekin venja í nágrannalöndum Íslendinga. Þannig er sjómannaafsláttur í Noregi tíu sinnum hærri en hérlendis, í Færeyjum er fimmfaldur munur og í Danmörku þrefaldur. Það skýtur því skökku við að Íslensk stjórnvöld hyggist afnema með öllu afslátt til íslenskra sjómanna.

Ástæða er til að benda á að með sjómannaafslættinum er sjómönnum sýndur sá heiður sem störfum þeirra ber. Ekki einungis stunda íslenskir sjómenn störf sín við erfið skilyrði fjarri fjölskyldum, og eru þeir því á meðan ekki hluti af samneyslu landsmanna, heldur eru störf þeirra einnig undirstaða hagkerfis landsins. Laun þeirra eru jafn misjöfn og plássin eru mörg og jafnvel þótt vel ári núna í skjóli íslensku krónunnar þá ber ekki að nota þetta tímabundna ástand til að gera grundvallar breytingu á skattaumhverfi því sem greinin hefur búið við frá 1954. Halda þarf til haga þeirri staðreynd að á góðæristímanum þegar laun sjómanna drógust verulega aftur úr var skattafslátturinn ekki aukinn.

Þá er einnig ástæða til að vekja athygli á því að fjöldi annarra stétta þjóðfélagsins sem starfa fjarri heimilum sínum ýmist tímabundið eða að staðaldri fá dagpeninga sem að stórum hluta eru skattfrjálsir. Þannig numu dagpeningagreiðslur fyrir árið 2008 8,1 milljarði króna og frádráttur 7,8 milljörðum, samkvæmt gögnum ríkisskattstjóra. Ef tekjuskattur hefði verið greiddur af þeim frádrætti hefði ríkið fengið 2,8 milljarða króna. Heildarkostnaður við afslátt til sjómanna vegna þeirra fjarveru var hinsvegar 1,1 milljarður þetta sama ár.

Gunnlaugur Grettisson
Elliði Vignisson
Páley Borgþórsdóttir
Páll Marvin Jónsson
Stefán Jónasson
Kristín Jóhannsdóttir
Páll Scheving Ingvarsson


Ályktunin var samþykkt með sjö samhljóða atkvæðum.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.