Sigur í döprum leik

15.Febrúar'10 | 10:06

handbolti

ÍBV marði sigur gegn Þrótti 26-27, eftir að hafa verið undir í hálfleik 16-11.
 
Pálmi Harðarson var á leiknum og segir hann frá honum hér:

ÍBV mætti Þrótti í íþróttahúsinu við Austurberg fyrr í dag en leiknum var frestað í gær vegna ófærðar. Ein breyting var gerð á leikmannahópi liðsins frá síðasta leik en Hjörvar kom inn í hópinn í stað Hauks.

ÍBV hafði yfirhöndina í upphafi leiks og voru fyrri til að skora. Vörnin var þó slök og Þróttarar náðu að halda í við okkar menn. Um miðbik fyrri hálfleiks hrökk síðan allt í baklás í sóknarleik ÍBV ásamt því að vörnin hélt áfram að leka. Þróttar gengu á lagið, skoruðu nokkur mörk í röð og náðu upp forskoti. Það sem eftir lifði hálfleiksins var leikur okkar manna á svipuðum nótum og leiddu Þróttarar í hálfleik 16-11.

Einhver hefur þrumuræðan verið hálfleik því svo virtist sem allt annað lið ÍBV hafi mætt til leiks í síðari hálfleiks. Okkar menn fóru loksins að spila vörnina af krafti og Kolbeinn vaknaði til lífsins í markinu. Þessu fylgdi svo nokkur auðveld mörk úr hraðarupphlaupum. Þá kom Arnar inn í sóknarleikinn og stýrði honum af mikilli festu og skynsemi. Þrátt fyrir að Þróttarar hafi kallað inn á völlinn að Arnar væri einhæfur með eindæmum tókst honum að fífla þá með línusendingum hægri-vinstri . Náðu leikmenn ÍBV að setja einhver 7-8 mörk í röð á Þróttara og leiddu með 5 mörkum er 12 mín lifðu leiks. Undir lokin slökuðu svo okkar menn full mikið á klónni og hleyptu Þrótturum aftur inn í leikinn. Lokatölur í Austurbergi 26-27.

Þrátt fyrir að himinn og haf skilji liðin að í deildinni áttu okkar menn í miklu basli með spræka leikmenn Þróttar og óhætt er að segja að leikmenn ÍBV geta talist heppnir með að ganga burt með tvö stig frá leiknum í dag. Með sigrinum í dag festi ÍBV sig enn frekar í sessi í þriðja sæti deildarinnar með 16 stig eftir 12 leiki. Næsti leikur liðsins er heimaleikur á móti Fjölni á laugardaginn kemur en með honum hefst þriðja umferð deildarinnar.
Upplýsingar um markaskorara eru á huldu.

Pálmi Harðarson skrifar úr borg óttans.

tekið af www.ibvsport.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).