Fyrningaleiðin er hafin

3.Febrúar'10 | 08:45

Þorskur fiskur

 Jæja góðir íslendinga.  Fyrningaleiðin er hafin.  Ég horfði aðeins á alþingissjónvarpið þann 02-02-2010 þar sem var rætt um stjórn fiskveiða.  Þótt ótrúlegt sé að segja frá var mér flökurt.  Horfandi á fólk segja að ekkert mál sé að vinna og selja fisk er ekki boðlegt.  Horfandi á fólk segja að það sé betra að fjölga skipum á Íslandsmiðum eins og  gert var í strandveiðikerfinu, meðan allar aðrar þjóðir eru að fækka skipum. Horfandi á fólk sem réttlætir það að taka vinnu frá atvinnusjómönnunum, svo þeir sem seldu sig út úr greininni komist að aftur. Horfandi á fólk tala á alþingi sem hefur ekkert vit á sjávarútvegi er dapurlegt. 
Íslenskir sjómenn veiða fisk við erfiðustu aðstæður sem til eru og eru bestu fiskimenn í heiminum segi ég og meina það. Íslenskir útvegsmenn hafa byggt upp frábær og tæknivædd skip sem eru að skila sínu til þjóðarinnar, enda eina sérskattaða stéttin á Íslandi. Þið sem starfið á alþingi eruð búin að skaða og jafnvel rústa íslenskum sjávarútvegi til framtíðar. Íslendingar eiga ekki eftir að sjá framfarir og nýsmíði skipa aftur í sjávarútveginum. Ég hef gert mörg mistök og viðurkenni þau. Þið á alþingi gerðuð mistök sem flestir eru sammála um í sambandi við Icesave og þið eruð að gera mistök í sambandi við sjávarútvegsmálin.

Það er engin niðurlæging að viðurkenna mistök. Öll sjómanna-og farmannasamtök Íslands og ASÍ eru að segja að þið eruð að gera vitleysu. Við ykkur sem sitjið á alþingi Íslands langar mig að segja ykkur frá landi í Afríku sem heitir Zinbabwe. Þetta fyrrum ríkasta land Afríku er það fátækasta í veröldinni í dag. Mugabe réðist á undirstöðuatvinnuveginn til að þóknast fólkinu í landinu, og það skilaði því að þetta land er rústir einar. Eflaust hefur hugsun Mugabe verið góð, en hún setti Zinbawde á hausinn. Þetta sama er að ske á Íslandi.

Ég hvet alþingismenn til að setjast niður og ræða málin af fullri alvöru og þá á ég við af fullri alvöru. Þetta er grafalvarlegt mál að ráðast á undirstöðu Íslands. 15% virðisauki af áliðnaðinum skilar sér til Íslands, meðan 85% af sjávarútveginum kemur til baka. Vill alþingi virkilega rústa Íslenskum sjávarútvegi með endalausum árásum á sjómenn og útgerðarmenn? Ég á 3 börn, 2 tengdarbörn, 2 barnabörn og ég er farinn að leita mér að vinnu í útlöndunum með alla fjölskylduna. Mér líst ekki á fyrningarleiðina sem á eftir að skella á með svo miklum þunga á Íslensk samfélag að við verðum á sama stalli og Zinbabwe í framtíðinni. Ég er sár og hræddur fyrir framtíð íslenskrar þjóðar. Guð hjálpi Íslandi.

Bergur Kristinsson. Formaður Verðandi og hefur starfað við fiskvinnslu, siglingar og fiskvinnslu í 37 ár.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).