Hermann hvetur sína menn

26.Janúar'10 | 08:01

Hemmi Hreiðars Hermann Hreiðarsson

Hermann Hreiðarsson, landsliðsfyrirliði í knattspyrnu, hvetur samherja sína í Portsmouth til dáða í viðtali á vef félagsins í dag. Portsmouth, sem er neðst í ensku úrvalsdeildinni, tekur á móti West Ham í fallslag á Fratton Park annað kvöld.
Hermann kveðst ekki líta á þennan leik sem sérstakan úrslitaleik. „Hver einasti leikur sem eftir er á tímabilinu er stórleikur fyrir okkur. Við tökum hvern leik fyrir sig, rétt eins og við höfum gert með leikina við Burnley, Liverpool, og útileikinn gegn West Ham. Næsti leikur er alltaf sá mikilvægasti. Það eru enn 18 leikir eftir og fullt af stigum í pottinum," sagði Hermann.

Hann segist hafa fulla trú á að liðið geti bjargað sér frá falli þrátt fyrir erfiða stöðu í deildinni. „Ég hef mikla trú á þessum hópi. Við trúum því allir, og verðum að gera það, að við getum bjargað okkur. Við spiluðum ekki vel þegar við töpuðum á Upton Park um jólin. Þá vorum við slakir og og þann leik er ég ósáttur við. Það er í raun eini leikurinn uppá síðkastið sem ég hef verið óánægður með. Við náðum góðum úrslitum gegn Burnley, Liverpool og Sunderland en lékum illa gegn West Ham. Þar ætluðum við að ná í mikilvæg stig en gáfum þau frá okkur."

Hermann segir að það þurfi líklega ekki eins mörg stig og oft áður til að forðast fall. „Það eru mörg lið núna sem ógna þeim fjórum stóru, og þau sanka að sér meiru af stigum en venjulega. Þess vegna held ég að það þurfi ekki svo mikið til að sleppa. Tveir sigrar geta gert gæfumuninn og fleytt liðunum upp um mörg sæti og nú þurfum við að fara að vinna leiki."

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).