Veit greinilega ekkert um siglingar

15.Janúar'10 | 10:13

Halli páls

Samgönguráðherra Samfylkingarinnar Kristján L. Möller, skrifaði fremur persónugerðan og ósmekklegan pistil til Elliða í gær. En skrif hans dæma sig sjálf.
En svo virðist hins vegar vera að ráðherrann hafi gleymt því hverju hinn svo kallaði „Fjölmiðla-Elliði" var að falast eftir.
En eins og þeir vita sem fylgst hafa með málinu, þá vantar enn upplýsingar um ferðatíðni og verðlag siglinga í Landeyjahöfn fyrir komandi sumar. Svo að ferðamannastraumurinn sem og Eyjamenn sjálfir geti farið að skipuleggja sumarið sem fyrst.

„Kristján segir í samtali við Morgunblaðið 13. janúar; að fyrstu tölur bendi til þess að kostnaður við siglingar milli Landeyjahafnar og Vestmannaeyja verði mun meiri en við núverandi samning. Ýmsir þættir hafi áhrif á það, til dæmis fjölgun ferða, mönnun skipsins, minni farþegatekjur og jafnvel eldsneytisnotkun."

Ég varð virkilega gáttaður á þessu svari ráðherrans og eftir því sem ég best veit þarf ekki viðbótar mannskap á styttri siglingaleiðum. Sá kostnaðarliður ætti að haldast óbreyttur eða frekar dragast saman ef eitthvað væri. Þar sem vinnudagur yrði hugsanlega styttri og samdráttur yrði í þjónustu við farþega um borð þar sem engin þörf yrði á klefum og þessháttar.

En ég ákvað að liða dæmið niður hvað eldsneytisþáttinn varðar.
Tökum fyrst fyrir núverandi siglingaleið Herjólfs
Vestmannaeyjar - Þorlákshöfn,
Siglingaleið: 40 sml (74 km)
Tími í þjónustu á dag: 08:15-22:45
Heildar sigling á dag: 160 sml (296,3 km)
Lestanir: 4 Losanir: 4

En tökum nú fyrir áætlaða siglingaleið Herjólfs í Landeyjahöfn
Siglingaleið: 6,4 sml (11,9 km)
Það þýðir að til að eldsneytisnotkun verði sú sama og á núverandi siglingaleið þarf Herjólfur að fara 12,5 áætlunarferð í Landeyjahöfn á dag. Bara til þess eins að ná sömu eldsneytisnotkun. (160/12,8)

Þakka örlætið Kristján minn, en 7 áætlunarferðir á dag duga okkur alveg.

Haraldur Pálsson
Stjórnarmaður Eyverja

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is