Samgönguráðherra sendir bæjarstjóra Vestmannaeyja tóninn

15.Janúar'10 | 08:41

Kristján Möller Samgönguráðherra

Töluverða athygli í Vestmannaeyjum hefur vakið bréf sem Kristján Möller, samgöngu- og sveitarstjórnaráðherra, hefur sent bæjarstjóranum Elliða Vignissyni. Þar er ráðherranum nokkuð heitt í hamsi og undrast hann að bæjarstjórinn segist sýna því skilning að skera þurfi niður en vilji að það verði gert alls staðar nema í hans bæjarfélagi.
Var af þessum sökum bæjarstjórnarfundi frestað í gærdag til að gefa fulltrúum í bæjarstjórn færi á að kynna sér bréf ráðherrans en fundurinn hefur verið settur í dag. Eyjafréttir greina frá þessu.

Forsögu þessa deilna má rekja til opins bréfs Elliða til ráðherra þar sem talið var að niðurskurðarhnífur ráðherrans kæmi óþarflega hart niður á íbúum Vestmannaeyja og á það bent að enn einu sinni væri skorið niður í ferðum Herjólfs milli lands og Eyja. Skrifaði bæjarstjórinn að ráðherra hefði ekki svo mikið sem svarað bréfum sínum vegna málsins en með þessu væri verið að færa samgöngur bæjarbúa aftur um tíu ár.

Svaraði Kristján bréfinu daginn eftir og benti á að allar stofnanir, að meðtalinni Vegagerðinni, þurfi að skera niður í því árferði sem nú ríki og einn stór þáttur hjá Vegagerðinni séu samgöngur við Eyjar.

Samgöngu- og sveitarstjórnarráðuneytið og allar stofnanir þess þurfa að sæta 10% niðurskurði vegna efnahagserfiðleika landsins. Vegagerðin sleppur ekki frekar en aðrir. Því á Vegagerðin aðeins einn kost að skera niður og hagræða á öllum sviðum. Undrast hann að Elliði sýni niðurskurði skilning svo lengi sem það bitni ekki á Eyjamönnum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).