14 útköll á árinu 2009 hjá slökkviliðinu í eyjum

12.Janúar'10 | 15:24

slökkvilið

Slökkvilið Vestmannaeyja var kallað út 14  sinnum á árinu.  Í einu útkallinu var um mikið tjón að ræða bæði fjárhagslegt og menningarlegt þegar Lifrasamlagið sem var stofnsett 1932 brann nú í haust. Einnig hefði getað farið illa þegar kveikt var í langferðabifreið við flugeldageymslu Björgunarfélagsins.
Þá fór vel þegar upp kom eldur í vélarrúmi West Strýms sem var að lesta lýsi hér í höfninni.Þá kom upp eldur í vélarsal hjá H.S veitum og hafðist að slökkva hann áður en alvarlegt tjón hlaust af. Einnig hefur slökkviliðið verið kallað út í minniháttar bruna, svo sem vegna elds í bílum, tjöldum og einnig voru reykræstingar og vatnslekar á nokkrum stöðum. Mengunarhópurinn var kallaður einu sinni vegna mengunar þegar valtari valt við Friðarhöfn. Þá heimsóttum við mörg fyrirtæki og stofnanir bæði til að kynna okkur staðhætti og einnig vorum við með eldvarnakynningu fyrir starfsfólk. Æfingar hjá liðinu voru 26 á árinu.

Slökkviliðsmenn standa vaktir þegar skip frá olíufélögunum með bensínfarm losa hér í Eyjum og var það í 13 skipti á árinu. Við hjá eldvarnaeftirlitinu sjáum um umsagnir til sýslumanns fyrir gististaði, veitingastaði og samkomustaði. þær umsagnir voru 48 á árinu. Gerðar voru 11 brunavarnaskýrslur fyrir stærri byggingar.

Slökkviliðsmenn stóðu við helstu verslanir bæjarins á aðventunni og kynntu brunavarnir í heimahúsum. Bæjarbúar tóku þessu mjög vel.

Eins og undanfarin ár tók Slökkvilið Vestmannaeyja þátt í eldvarnaviku Landssambands slökkviliðsmanna á aðventunni. Við fórum á slökkvibílum og sóttum skólabörnin í skólann vegna mikilla hálku í bænum. Á slökkvistöðinni var farið yfir eldvarnir á heimilum og börnin skoðuðu tæki og tól, síðan var öllum keyrt á slökkvibíl aftur í skólann.

Slökkviliðið heimsótti leikskólana Kirkjugerði og Sóla þar sem elstu börnin voru frædd um eldhættur og brunavarnir á heimilum.
Verkefnið er samstarfsverkefni slökkviliðanna og Eignarhaldsfélags Brunabótafélags Íslands þar sem slökkviálfarnir Logi og Glóð kenna börnunum hvernig umgangast á eld í máli og myndum.

Slökkviliðið fékk góðan styrk til tækjakaupa frá Alþýðubandalagi Vestmannaeyja og kom sá styrkur sér afskaplega vel keypt var björgunarsög og bakbretti.

Einn af okkar góðu félögum Ágúst Pálmar Óskarsson varð að hætta liðinu vegna aldurs, en hann er búinn að vera í liðinu í 50 ár, og á því tímabili hefur hann starfað með 5 slökkviliðsstjórum.

Vestmannaeyjum 11. Janúr 2010.
Ragnar Þór Baldvinsson slökkviliðsstjóri.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.