Tekinn með kókaín í Vestmannaeyjum

30.Desember'09 | 13:32

Lögreglan,

Við reglubundið eftirlit með komu Herjólfs í gærkvöldi hafði lögreglan í Vestmannaeyjum afskipti af ökumanni bifreiðar og farþega hennar vegna gruns um fíkniefnamisferli. Reyndist ökumaður bifreiðarinnar vera með 40-50 grömm af kókaíni í fórum sínum.
Bifreiðin var færð á lögreglustöðina þar sem eigandi hennar sem jafnframt var ökumaður hennar samþykkti leit í henni. Þegar fíkniefnahundurinn Luna var að leita í bifreiðinni tók ökumaður bifreiðarinnar til fótanna og hljóp frá lögreglustöðinni. Lögreglumenn veittu honum eftirför og fengu meðal annars aðstoð frá ökumanni bifreiðar sem átti þar leið hjá, að því er fram kemur á vef lögreglunnar.

Lögreglumenn sáu manninn henda pakka á leiðinni en lögregla handsamaði hann eftir að hafa elt hann austur Faxastíg og niður á Vestmannabraut.

Í pakkanum sem hann hafði hent frá sér reyndust vera 40 til 50 grömm af ætluðu kókaíni. Hann viðurkenndi við skýrslutöku að eiga efnið og hafa ætlað að selja það í Vestmannaeyjum. Farþegi sem var í bifreiðinni neitaði allri aðild að málinu.

Áætlað söluandvirði efnisins er milli áttahundruð þúsund til ein miljón króna. Ökumaðurinn er jafnframt grunaður um akstur undir áhrifum fíkniefna. Ökumaður og farþeginn voru færðir í fangageymslu vegna rannsóknar á málinu en þeir eru báðir á þrítugsaldri. Skýrslutökum verður framhaldið í dag.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is