25 milljónir í uppbyggingu miðbæjar og í almennar umhverfisaðgerðir

22.Desember'09 | 09:00

Vestmannaeyjabær bærinn eyjar

Við höldum áfram að fara yfir þær framkvæmdir sem fara á í á árinu 2010 hjá Vestmannaeyjabæ enda listinn langur sem samþykktur var í bæjarstjórn í síðustu viku.

Uppbygging miðbæjar og almennar umhverfisaðgerðir: kr. 25.000.000
Seinustu ár hefur verið unnið að uppbyggingu miðbæjar ásamt ýmsum almennum umhverfisaðgerðum. Vilji er til að halda áfram í þá átt sem mörkuð hefur verið. Meðal þess sem nú er til umræðu er að koma upp hafnartorgi í beinum tengslum við miðbæinn, flutningur á athafnasvæði smábáta vestur í slipp og ýmislegt fleira. Þá eru einnig fyrirhugaðar framkvæmdir við Hilmisgötu, fjölgun bílastæða í miðbæ og ýmislegt fleira.

 

Umhverfisaðgerðir í Herjólfsdal. Kr. 3.000.000
Seinustu ár hefur verið ráðist í miklar framkvæmdir í Herjólfsdal. M.a. hafa tjaldstæði heimamanna verið endurnýjuð mikið, stóra sviðinu snúið, hlaupabrautin malbikuð, gróður við brekkusvið styrktur, snúningssvæði bekkjabíla stækkað, vegur inn að gamla vatnspóstinum endurgerður og áfram má telja. Þjóðhátíð er djásnið í mannlífi Eyjamanna og mikilvægt að áfram verði haldið uppbyggingu á hátíðarsvæðinu í samvinnu við mótshaldara.

Endurgerð upptökumannvirkis hafnarinnar: kr. 370.000.000
Stefnt er að endurgerð upptökumannvirkis hafnarinnar sem skemmdist illa í tjóni 17. október 2006. Allur undirbúningur hefur miðað við að hægt verði að lyfta skipum á borð við Smáey VE, Bergey VE, Gullberg VE og Berg VE. Tímarammi verkefnis mun vera u.þ.b. 1 ár. Ef verkefnið gengur skv. áætlun ætti að vera hægt að taka upp skip í Vestmannaeyjum fyrir jól 2010.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.