Eyjamenn hafa skilning á hrikalegri stöðu í ríkisrekstri, en niðurskurður í samgöngumálum okkar Eyjamanna er kominn út fyrir allt velsæmi

8.Desember'09 | 08:48
Í ljósi svara samgönguráðherra við fyrirspurn Unnar Bráar varðandi Landeyjahöfn er ljóst að forsendur þær sem unnið hefur verið með hingað til hafa tekið breytingum. Eyjar.net fékk eftirfarandi svör frá Elliða Vignissyni þegar leitað var eftir viðbrögðum hans:
"Eyjamenn hafa skilning á hrikalegri stöðu í ríkisrekstri, en niðurskurður í samgöngumálum okkar Eyjamanna er kominn út fyrir allt velsæmi.

Núna er staðan sú að við að erum að horfa upp á að samgönguyfirvöld ætla ekki að stuðla að áframhaldandi flugi milli Vestmannaeyja og Reykjavíkur, dregið hefur úr Bakkaflugi, hætta á með tvær ferðir á dag alla daga og hætt var við nýsmíði á ferju sem sigla átti í Land-Eyjahöfn. Ef að ofan á þetta á að bætast ákvörðun um að skerða það þjónustustig sem við höfum unnið útfrá hvað Land-Eyjahöfn varðar frá og með 1. júlí þá er botninum náð.

Ég er því als ekki sáttur við niðurstöðuna ef ekki verður tryggt að ferðafjöldi og verðskrá verði í takt við það sem áður hefur verið gefið uppi. Auðvitað er hægt að skoða einhverja breytingu en hún verður að vera í takt við það sem boðað hefur verið. Sannast sagna þá trúi ég því að samgönguráðherra muni standa við gefin loforð hvað Land-Eyjahöfn varðar. Nóg er nú samt. Samfélagið hér hefur beðið með óþreyju eftir þeim tækifærum sem fylgja fjölgun ferða og þar með auknum sveigjanleika í vali á brottfarar og komutíma. Í því liggja tækifærin fyrst og fremst. Ráðherrar og þingmenn hafa látið hafa of mikið eftir sér hvað varðar þjónustustig Land-Eyjahafnar til að svíkja nú það sem áður hefur verið lofað. Þetta eru heldur ekki einkahagsmunir okkar Eyjamanna. Okkar góðu nágranar hér landmeginn eru einnig að vinna að undirbúningi hvað varðar þessa samgöngubót. Til að mynda hafa þeir mikinn áhuga á að notfæra sér skólasamfélagið hér í Eyjum, bæði framhaldsskóla og háskóla, sem og ýmislegt á sviði mannlífs, menningar og hverskonar þjónustu. Þau sóknarfæri ásamt svo mörgum öðrum sem við erum búin að vera að undirbúa í 2 til 3 ár, eru verulega skert ef gjaldskrá og ferðatíðni verða ekki nálægt því sem lofað hefur verið." segir Elliði Vignisson bæjarstjóri

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).