Nýju sturtuskattarnir

2.Desember'09 | 12:06

Ragnheiður

Það er þyngra en tárum taki að horfa á ríkisstjórnina útfæra og réttlæta nýju „framsæknu Norrænu velferðarskattastefnuna“ sína. Með kreppuna og erfiða stöðu ríkissjóðs sem afsökun láta vinstri flokkarnir gamla drauma um óskiljanlegt og ómarkvisst fjölþrepaskattkerfi loks rætast. Jöfnuður, réttlæti og sanngirni eru sögð markmiðin með þessum ósköpum en hver heilvita maður sér að þeim markmiðum verður aldrei náð með þessum aðferðum. Og við munum aldrei skattleggja okkur út úr kreppunni, það kennir sagan okkur.
Það þarf sannarlega að auka skatttekjur ríkisins - en það að kreista síðustu krónuna úr síðasta skattgreiðendanum er ekki aðferðin. Það þarf að blása lífi í skattstofnana, auka atvinnu, auka umsvifin í þjóðfélaginu og það gerum við ekki með því að skattleggja allt sem hreyfist, nú síðast heita vatnið í sturtunni okkar á morgnana.

Og svo dæsir fjármálaráðherra á Alþingi þegar hann er spurður um skattamálin og segir með heilögum vandlætingarsvip: Krakkar mínir, ef við hefðum nú eitthvað val!

Ég hef reynt að sýna ráðherranum fram á það að í skattamálunum, eins og í velflestu öðru í lífinu, höfum við einmitt val. Leið ríkisstjórnarinnar er einfalda leiðin, leið hugleysingjans sem þorir ekki að fara nýjar leiðir. Við sjálfstæðismenn höfum lagt fram ítarlegar tillögur um aðra valkosti, aðrar leiðir út úr kreppunni en ofurskattlagningarleiðina. Við höfum t.a.m. lagt til að færa skattlagningu séreignarlífeyrissparnaðar til í tíma þannig hið opinbera fái skatttekjurnar núna til ráðstöfunar en ekki við útgreiðslu lífeyrisins. Þannig fengju opinberir aðilar, ríki og sveitarfélög, yfir 100 milljarða til ráðstöfunar strax og þyrftu ekki að ráðast í skattahækkanir og lántökur með tilheyrandi vaxtakostnaði fyrir framtíðarskattgreiðendur þessa lands. En þetta má ekki ræða - línan úr Stjórnarráðinu er sú að Sjálfstæðisflokkurinn vilji með þessu demba byrðunum á komandi kynslóðir. Þvílík fjarstæða.

Hið kostulega er að á sama tíma ætlar ríkisstjórnin aftur að heimila einstaklingum að taka séreignarsparnað sinn út fyrirfram ef þeir svo kjósa. Rökin eru þau að þegar kreppir að er hagstæðara fyrir skuldsett heimili að sækja þessar tekjur núna og nota þær til þess að greiða niður dýrar skuldir heldur en að taka frekari lán með tilheyrandi vaxtakostnaði. Þetta á enn fremur að auka umsvifin í þjóðfélaginu. Ég er sammála þessum rökum og styð þessa aðgerð ríkisstjórnarinnar. Og með nákvæmlega sömu rökum styð ég framangreinda tillögu okkar sjálfstæðismanna um breytingu á skattlagningu séreignasparnaðar. Er ekki hagstæðara fyrir skuldsettan ríkissjóð að greiða niður dýrar skuldir núna og spara framtíðarkynslóðum tugi milljarða í vaxtakostnað? Ég hefði haldið það.

En ríkisstjórnin vill ekki ræða það. Hún er of upptekin af því að leiðrétta „nýfrjálshyggjuna" með því að upphugsa ný skattþrep, nýja sturtuskatta og skatta á þá atvinnustarfsemi sem enn er uppistandandi. Og þar skortir ekki hugmyndaflug, því miður.

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).