Í æsku minnar spor

28.Nóvember'09 | 13:01

ÁTVR

Söngur og tónlist skipar stóran sess í menningararfi okkar Vestmannaeyinga, þökk sé mörgum stórkostlegum tónlistarmönnum og texta/söngvaskáldum eins og t.d. Oddgeiri Kristjánssyni, Árna úr Eyjum og Ása í Bæ, svo að þeir þekktustu séu nefndir. Þeir skildu eftir sig óviðjafnanlegar perlur, í formi laga og ljóða, sem mörg urðu til í sambandi við hina árlegu Þjóðhátíð Vestmannaeyja og eru orðin landsþekkt.
Í vor ákvað Sönghópur ÁtVR að ráðast í upptökur á Eyjalögum og gefa út geisladisk í tilefni 15 ára afmæli félagsins.

Upptökur fóru fram í Kirkju Óháða safnaðarins í Reykjavík og í HS-studíó. Alls voru hljóðrituð 15 lög og birtist afraksturinn á diski sem nefndur er "Í æsku minnar spor". Nafnið er sótt í texta Ása í Bæ, Heimaslóð, og vísar til þess að flest lærðum við lögin á unga aldri meðan við bjuggum enn í Vestmannaeyjum. Við höfum haft ómælda ánægju af framtakinu og vonum að sem flestir hafi einnig gaman af.

Hlustið á hljóðdæmi hér:


ÁtVR gefur diskinn út í samstarfi við Hljóðvinnsluna/Hljóðbók sem framleiðir hann og er hann nú tilbúinn. Disknum fylgir myndarlegur bæklingur með öllum textum sem sungnir eru og myndum úr starfi hópsins.

Hlynur Ólafsson sá um hönnun umslags og umbrot, forsíðuljósmynd tók Kristján Egilsson, en Frum ehf sá um prentun umslags. Allir þessir aðilar eru Eyjamenn og þökkum við þeim frábært samstarf og liðlegheit.

Félagar í sönghópnum munu selja diskinn auk þess verður hann seldur á næstunni í verslun Eymundssonar í Eyjum og Ferðamannaverslun Bankastræti 2, Reykjavík.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.