Ég get fullvissað Eyjamenn um að ég mun ekki styðja þau fjárlög sem fram eru komin óbreytt

17.Nóvember'09 | 11:25

Ragnheiður

Í gær skrifaði Elliði Vignisson bæjarstjóri bréf til allra þingmanna Suðurkjördæmis varðandi niðurskurð á fjárlögum til verkefna í Vestmannaeyjum. Fyrsti þingmaðurinn hefur svarað Elliða og má lesa svar Ragnheiðar Elínar hér að neðan:
Sæll Elliði

Vil í upphafi þakka þér fyrir þá brýningu sem fram kemur í bréfi þínu. Þingmenn standa nú í þeim erfiðu sporum að þurfa að koma frá sér fjárlögum þar sem fara þarf í mikinn niðurskurð. Það breytir því ekki að svigrúmið til niðurskurðar er mismikið eftir málaflokkum og því verður ekki haldið fram að Vestmannaeyjar hafi verið ofaldar þegar kemur að ríkisrekstri.

Ég tek undir það með þér að víða í fjárlögum er að finna tækifæri til niðurskurðar og hið eðlilega væri að beina niðurskurði fyrst og fremst að þeim liðum sem ekki tengjast kjarnarekstri ríkisins og voru auknir mikið í góðærinu. Ríkiútgjöld hafa vaxið gríðarlega á seinustu árum og sem dæmi má nefna að útgjöld ríkisins jukust um 43% að raunvirði milli áranna 2003 og 2008. Það er því mikilvægt að ríkið einbeiti sér nú fyrst og fremst að kjarnastarfsemi sinni en dragi úr öðrum útgjöldum eftir fremsta megni.

Ég hafna alfarið þeirri aðferðafræði sem gjarnan er tjaldað í hagræðingaskyni og felst í því að sameina stofnanir og flytja ákvörðunarvald, þjónustu og fjármuni af landsbyggðinni á suðvesturhornið. Skýrsla fjármálaráðuneytisins frá 2008 hefur enda sýnt að sú leið leiðir ekki til hagræðingar heldur frekar kostnaðarauka. Ég mun því áfram standa gegn boðuðum breytingum á bæði Sýslumannsembættum sem og Skattstofum. Ég lýsi miklum áhyggjum af niðurskurði í rekstri Heilbrigðisstofnunar Vestmannaeyja sem eins og nánast allir aðrir liðir í ríkisrekstri í Vestmannaeyjum snýst um kjarnarekstur ríkisins. Þá er það einnig ljóst að ríkið getur ekki alfarið hætt styrkjum til flugs til Vestmannaeyja jafnvel þótt samgöngur á sjó munu stóreflast. Bent hefur verið á það grettistak sem hefur verið lyft í flugþjónustu í Eyjum á seinustu árum. Skýrasta dæmið um það er sú staðreynd að flugfarþegum skuli hafa fjölgað í ár um 9% á meðan aðrir flugvellir eru með farþegaminnkun upp á 16 til 20%. Þar er um að ræða fjárfestingu ríkisins í innrigerð samfélags, eflingu ferðaþjónustu og atvinnusköpun sem þarf að verja.

Ég get fullvissað Eyjamenn um að ég mun ekki styðja þau fjárlög sem fram eru komin óbreytt. Fyrir því eru margar ástæður og þeirra á meðal órökréttar niðurskurðahugmyndir í Vestmannaeyjum og víðar í Suðurkjördæmi.

Með kveðju
Rangheiður Elín Árnadóttir

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.