ÍBV hefur haft samband við Gunnar Heiðar

27.Október'09 | 13:36

Gunnar Heiðar

Gunnar Heiðar Þorvaldsson, framherji Esbjerg í Danmörku, vonast til að losna frá félaginu á næstu vikum. Gunnar Heiðar gerði þriggja ára samning við félagið í fyrra en hefur fengið fá tækifæri á að sýna sig og sanna.
Gunnar Heiðar ólst upp hjá ÍBV og hans gamla félag hefur haft samband sem og eitt annað félag í Pepsi-deildinni.

,,Þeir hafa haft samband við mig og eru að reyna að lokka mann heim. Maður hefur ekki efni á að loka einhverjum dyrum eins og staðan er í dag og dyrnar munu alltaf verða opnar fyrir ÍBV. Við sjáum til hvað gerist," sagði Gunnar Heiðar við Fótbolta.net í dag.

Eyjamenn ætla sér stóra hluti í Pepsi-deildinni næsta sumar en í síðustu viku gengu Tryggvi Guðmundsson og Ásgeir Aron Ásgeirsson til liðs við þá.

,,Þeir hafa ákveðið að það sé kominn tími á það að hætta þessari botnbaráttu alltaf. Þeir ætla að reyna að gera eitthvað í þessum málum og enda hærra í deildinni sem er jákvætt. Við verðum að sjá hvort ég mun taka þátt í því eða ekki."

Gunnar Heiðar einbeitir sér nú að því að losna frá Esbjerg en hann hefur einungis leikið tvo leiki með liðinu á tímabilinu.

,,Ég er að reyna að fá mín mál á hreint hér í Esbjerg og reyna að komast í burtu. Þetta er búin að vera algjör martröð síðan að ég kom hingað. Sumir fótboltamenn hafa smá heppni með sér og ég get sagt að ég er ekki einn af þeim."

,,Ég vona innilega að það gerist eitthvað á næstu vikum þannig að maður geti allavega farið á láni því að þeir hafa verið að banna það. Það skiptir engu máli hvað maður er búinn að gera á æfingum og í æfingaleikjum, maður er bara í frystikistunni. Ég á mikið inni og þarf að komast að einhversstaðar og fá að spila," sagði Gunnar Heiðar að lokum við Fótbolta.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).