Æskan telur - 400 á landsmóti í Eyjum

18.Október'09 | 10:01

séra Kristján Björnsson

Um 400 ungmenni komu með Herjólfi til Eyja í gær og fylltu Höllina á fyrstu kvöldvöku landsmóts æskulýðsfélaga Þjóðkirkjunnar. Þetta er eitt fjölmennasta landsmót æskulýðsfélaga þrátt fyrir að um 150 manns hafi orðið að hætta við þátttöku vegna inflúsensunnar.
Mótið hófst með kvöldvöku og helgistund í þéttsetinni Höllinni en eftir það voru flestir mjög fúsir að leggjast til hvílu eftir sjóferðina. Lengsta ferðalagið átti þó hópur ungmenna frá íslenska söfnuðinum í Noregi. Sr. Jóna Lovísa, mótsstjóri setti mótið en hún fer fyrir öflugri móttsstjórn góðra leiðtoga.

Yfirskrift mótsins er: Til komi þitt ríki ... Æskan telur! Biblíutilvitnunin er í Fyrra Tímóteusarbréf 4.12: "Lát engan líta smáum augum á æsku þína en ver fyrirmynd trúaðra í orði og hegðun, í kærleika, trú og hreinlífi." Það eru sannarlega orð úr Heilagri ritningu sem eiga að óma um alla kirkjuna þessa dagana.

Í dag starfa vinnuhópar. Listrænu hóparnir eru leiklist, söngur, salsadans, ljósmyndir, kvikmyndir og hljómsveit. Vestmanneysku hóparnir eru sprang, eldfjallaganga, dorg og sigling. Íþróttahóparnir eru Boot Camp, íþróttir, leikir og sprikl. Einnig eru hópar um Ba-fólkið og Fa-fólkið, brjóstsykurgerð, fjölmiðla og kirkjuþing unga fólksins.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is