Hélt að reykurinn væri lykt af brunnu poppi

15.Október'09 | 10:08

Lifró

„Ég var nýbúinn að poppa og hélt fyrst að þetta væri bara popplykt," segir Alma Eðvaldsdóttir en hún býr við hliðina á Lifrasamlaginu sem brann til kaldra kola í nótt.

Slökkviliðið í Vestmannaeyjum barðist við eldinn frá um fjögur í nótt en það var Alma sem gerði viðvart um eldsvoðann sem menn telja að sé sá mesti síðan Ísfélagið brann fyrir um tíu árum síðan.

Alma segir að hún sé næturhrafn og því hafi hún verið vakandi í nótt. Hún var nýbúinn að poppa þegar hún fór að finna sérkennilega lykt. Í fyrstu hélt hún að lyktin stafaði af brenndu poppi.

„Þá sá ég hvítt ský svífa framhjá glugganum," segir Alma sem var ekki enn búinn að átta sig á aðstæðunum. Hún opnaði gluggann, leit út, en sá ekkert.

„Þá fylltist allt af reyk inn í húsinu," segir Alma en mikinn reyk lagði af Lifrasamlaginu. Hún fór út og sá þá reyk koma upp úr þakinu á Lifrasamlaginu sem nú er lýsisframleiðsla.

Hún hringdi þá beint í neyðarlínuna og lögregluna sem komu skömmu síðar. Sjálf vakti hún manninn sinn og þau forðuðu sér út úr húsinu sem þá var orðið fullt af reyk. Um stund var óttast að eldurinn úr húsinu myndi læsa sig í húsi Ölmu. Slökkviliðinu tókst þó að koma í veg fyrir það.

Alma og maðurinn hennar voru svo á leiðinni í læknisskoðun þegar Vísir ræddi við Ölmu.

Slökkviliðinu tókst að ná tökum á eldinum og slökkva hann snemma í morgun. Þeir munu vakta húsið til hádegis. Ekki er vitað um eldsupptök en samkvæmt heimildum Vísis þá er talið líklegt að kviknað hafi út frá rafmagni inn í húsinu.

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.