Óánægja með skipan ferjumála

16.September'09 | 13:59

Herjólfur

Bæði Vestmannaeyingar og Vestfirðingar eru óhressir með skipan ferjumála þessa dagana. Engin ferja leysir Baldur af hólmi á meðan hann sinnir siglingum fyrir Herjólf, sem er í slipp, og Eyjamenn segja Baldur allt of lítinn í verkefnið.
Breiðafjarðarferjan Baldur, sem leysir Vestmannaeyjaferjuna Herjólf af hólmi á meðan Herjóllfur er í slipp, fór frá Eyjum í morgun samkvæmt áætlun, en Baldur fór enga ferð í gær og aðeins fyrri ferðina í fyradag. Það stafar af því að ölduhæð var yfir þrír og hálfur metri, en Siglingastofnun leyfir ekki að ferjan sigli í meiri ölduhæð. Ölduhæðin var innan marka í morgun.

Einhverjir farþegar komust með flugi á milli lands og eyja í gær, en vörur til og frá fyrirtækjum í Eyjum komust hvergi. Almenningur og atvinnurekendur í Eyjum eru óhressir með að ekki skuli hafa verið fengin öflugri ferja frá útlöndum til að hlaupa í skarðið fyrir Herjólf.

En óánægjuraddir heyrast líka frá Vestfjörðum, einkum Suðurfjörðunum að hafa misst Baldur, á meðan hann leysir Herjólf af, enda fara miklir flutningar með Baldri yfir Breiðafjörðinn og ekkert skip leysir hann af.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.