Hagnaður Sparisjóðs Vestmannaeyja 3.4 milljónir króna

8.September'09 | 16:57

Sparisjóðurinn

Stjórn Sparisjóðs Vestmannaeyja hefur staðfest árshlutareikning sjóðsins fyrir tímabilið 1. janúar – 30. júní 2009. Árshlutauppgjörið ber enn merki um erfiðan rekstur Sparisjóðsins á fyrri hluta ársins.  Eins og fram kom í ársuppgjöri 2008 var eigið fé CAD Sparisjóðsins undir lögbundnu lágmarki sem er 8%.

Helstu niðurstöður rekstrarreiknings eru:

Hreinar vaxtatekjur eru 205,5 mkr., hreinar þjónustutekjur eru 46,7 mkr. og aðrar tekjur eru 40,1 mkr. Hreinar rekstrartekjur eru samtals 292,3 mkr. Almennur rekstrarkostnaður með afskriftum er 197,2 mkr. Virðisrýrnun eigna reiknast 91,7 mkr. Hagnaður fyrir skatta er því 3,4 mkr. og eftir reiknaða skatta er hagnaður 0,2 mkr.

Helstu niðurstöður efnahagsreiknings eru:

Niðurstaða efnahagsreiknings 30. júní er 16.030,7 mkr. og hefur lækkað um rúmlega 100 mkr. frá upphafi árs. Útlán og kröfur eru 9.133,2 mkr. og hafa hækkað um tæplega 2% frá upphafi árs, innlán eru 10.962,3 mkr. og hafa hækkað um rúmlega 5% á sama tíma. Eigið fé Sparisjóðsins er 361,5 mkr. sem er nær óbreytt frá upphafi árs.

Árshlutauppgjörið ber enn merki um erfiðan rekstur Sparisjóðsins á fyrri hluta ársins. Eins og fram kom í ársuppgjöri 2008 var eigið fé CAD Sparisjóðsins undir lögbundnu lágmarki sem er 8%. Eigið fé CAD er enn undir lágmarkinu og starfar Sparisjóðurinn því á undanþágu frá Fjármálaeftirlitinu, eins og velflestar fjármálastofnanir landsins. Rekstur fjármálafyrirtækja hefur verið og er snúinn og erfiður á þessum tímum. Staða fjölmargra fyrirtækja, fjölskyldna og einstaklinga hefur versnað til muna á þessu ári. Það veldur að enn er nauðsynlegt að auka framlög í afskriftareikning til að mæta mögulegum útlánatöpum í næstu framtíð og enn er óvissa í starfsumhverfi Sparisjóðsins. Það er afar mikilvægt að línur fari að skýrast í íslensku efnahagsumhverfi og batamerki fari að sjást.


Vestmannaeyjum, 7. september 2009.

Stjórn Sparisjóðs Vestmannaeyja.

 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.