Inflúensa, bréf til foreldra leik- og grunnskólabarna

31.Ágúst'09 | 09:20

vestmannaeyja Vestmannaeyjabær Heimaklettur

Fjölskyldu- og fræðslusvið, í samráði við skólastjórnendur grunn- og leikskólanna,   bjóða starfsmenn, foreldra og börn velkomin til starfa á nýju skólaári. Eins og jafnan er áhersla lögð á gott samstarf milli bæjarbúa og fræðsluyfirvalda þar sem megináherslan er lögð á velferð og vellíðan barnanna.
Nú, þegar fjöldi barna og starfsmanna kemur saman í skólanum, er hætt við að inflúensan, sem er farin að stinga sér niður á Íslandi, nái sér á strik. Bæjarbúar eru beðnir um að taka leiðbeiningar Landlæknisembættisins varðandi inflúensufaraldur alvarlega og fara í öllu eftir ráðleggingum sem þar koma fram. Rík áhersla er lögð á handþvott og að foreldra haldi börnunum heima ef grunur leikur á að þau séu smituð.

Inflúensan uppgvötaðist fyrst í mönnum í Mexico í apríl 2009. Sjúkdómurinn berst hratt um heiminn og hefur borist til flestra landa heims, þar á meðal Íslands. Fyrsta tilfelli á Íslandi greindist 23. maí 2009.

Sóttvarnarlæknir og ríkislögreglustjóri hafa útbúið viðbragðsáætlun vegna heimsfaraldurs inflúensu. Viðbúnaðaráætlunin nær yfir alla þætti samfélagsins því nauðsynlegt er að halda uppi mikilvægum samfélagsstoðum. Á vef sóttvarnalæknis www.influensa.is má nálgast allar fréttir og leiðbeiningar um inflúensu A.

Nokkur mikilvæg atriði:

Smitleiðir - rétt er að benda sérstaklega á að inflúensa smitast með dropum og úða úr öndunarvegi (hósti og hnerri) og með höndum sem mengaðar eru af veirunni. Best vörnin er hreinlæti og þar skiptir handþvottur mestu máli.

Einkenni sýkingar - skyndilegur hiti, hálsbólga, hósti, beinverkir, höfuðverkur og slappleiki.

Áhættuhópar - það eru aðallega þeir einstaklingar með undirliggjandi heilsufarsvandamál eða sjúkdóma. Einnig virðist flensan leggjast þungt á óléttar konur.

Meðferð - þeim, sem fá inflúensulík einkenni, er ráðlagt að hringja til næstu heilsugæslustöðvar. Ráðlagt er að halda sig heima í 7 daga frá upphafi einkenna, hvíla sig og drekka vel. Nota má hitalækkandi lyf við hita og beinverkjum. Þau lyf sem eru fáanleg gegn inflúensu eru Relenza (zanamivir) og Tamiflu (oseltamivir) og er A(H1N1) veiran næm fyrir þessum lyfjum. Ekki er talið að allir þeir sem smitast af veirunni þurfi á lyfjum að halda.

Bólusetning - Bóluefni mun koma hingað til landsins í haust. Ekki hefur verið tekin ákvörðun um hverjir munu fá slíka bólusetningu. Það er því á ábyrgð einstaklingsins að huga að eigin vörnum.

Fjölskyldu- og fræðslusvið Vestmannaeyjabæjar

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.