Fyrsta aflanum landað í Bakkafjöruhöfn

27.Júlí'09 | 18:00

Landeyjahöfn bakkafjara bakki

Fyrsta aflanum í nýrri Bakkafjöruhöfn var landað í gær. Rúm sextíu ár eru liðin frá því að síðasta afla var landað á Landeyjarsandi. Aflinn, þrír þorskar, liggur nú í nætursalti.
„Já það var fyrsta afla landað í gær," segir Jón Einarsson, bóndi að Bakka í Landeyjum um fyrsta aflann sem landað hefur verið í hinni nýju Bakkafjöruhöfn. Það voru sonur Jóns, Grettir, og vinur hans Kristinn Sigurlaugsson sem lönduðu þremur þorskum sem þeir höfðu veitt á stöng. Þeir félagar veiddu einn karfa en slepptu honum.

Grettir og Kristinn sigldu út á Zodiac gúmmíbát en í sömu ferð brugðu þeir sér yfir til Vestmannaeyja. Rúm sextíu ár eru liðin frá því að afla var síðast landað á Landeyjarsandi en þá landaði Guðmundur Jónason frá Hólmahjáleigu þorski ásamt félögum sínum en róið var út á árabát í það skiptið.

„Þorskurinn liggur nú í nætursalti og verður étinn á morgun," segir Jón kampakátur með afla sonarins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).