Við Vestmannaeyjar sást talsvert minna af síli en við Vík

14.Júlí'09 | 08:31

Vestmannaeyjahöfn

SANDSÍLALEIÐANGUR Hafrannsóknastofnunar er hálfnaður þetta sumarið. Búið er að safna gögnum við Ingólfshöfða og frá Vestmannaeyjum að Vík. Í dag verður rannsakað á Faxaflóa og síðan haldið í Breiðafjörð. Leiðangrinum lýkur á föstudaginn kemur. Þá tekur við úrvinnsla gagna. Reiknað er með grófum niðurstöðum í næstu viku og nákvæmri niðurstöðu síðar.
Þetta er fjórða sumarið sem Hafrannsóknastofnun rannsakar sandsíli við landið sunnan- og vestanvert. Stofn sandsílis hefur verið að veikjast allt frá síðustu aldamótum. Líklega er afrán helsta ástæða þess og við það bætist að árgangar 2005 og 2006 voru mjög lélegir.

Valur Bogason, útibússtjóri Hafrannsóknastofnunar í Vestmannaeyjum sem stýrir rannsókninni, sagði að sér sýndist í fljótu bragði að 2007 árgangurinn væri uppistaðan í því sem fékkst við Vestmannaeyjar-Vík og Ingólfshöfða. Eftir er að aldursgreina sýnin svo að um áætlun er að ræða.

„Við fengum talsvert af síli frá Pétursey að Vík, það mesta sem við höfum fengið til þessa," sagði Valur. Heldur minna fannst við Ingólfshöfða en á Víkinni.

Við Vestmannaeyjar sást talsvert minna af síli en við Vík. Valur sagði það jákvætt að nú sáust þar fleiri árgangar en í fyrra og eitthvað fannst við Eyjar af seiðum frá í vor. Valur sagði þeim sýnast að uppistaðan þar væri 2007-árgangurinn líkt og við Vík og líklegt að sílin frá í vor væru afkvæmi þess árgangs að mestu. Útlit er fyrir að nýliðun hjá sandsílinu á þessum slóðum í fyrra hafi ekki verið jafn mikil og 2007.

Elsta síli sem Valur hefur séð var átta ára gamalt. Sandsílið byrjar hrygningu eins árs. Verulega dregur úr fjölda í árgangi sandsíla eftir að þau ná fjögurra ára aldri því árgangarnir étast fljótt upp.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).