Loksins, loksins, loksins......

7.Júlí'09 | 12:11

Tobbi

Jæja öll sömul loksins kemur eitthvað nýtt inn á síðuna. Tvennt hefur verið að orsaka bloggleysi, annars vegar að ég hef verið á sjó undanfarið á Ísleifi VE 63 og þar um borð fer ekki mikið fyrir nettengingu. Hins vegar var ég í vandræðum með stjórnborðið en eins og sést glögglega er það komið í lag.

En hendumst í aðalmálið í dag, makrílveiðarnar. Makrílveiðar hafa gengið vel undanfarið en eru þó mjög dagaskiptar. Það er mjög góð veiði einn daginn en svo alger skaufi og jafnvel ekki neitt hinn daginn. Við á Ísleifi VE erum nú að landa fjórða túrnum í sumar og ættu þá að vera komin í land um 3600 tonn, sagt með fyrirvara. Þetta hefur gengið snurðulaust fyrir sig á Ísleifi fyrir utan örlitla byrjunar örðugleika. Þrátt fyrir að skipið hafi verið komið á langlegu deildina og í fremur slöppu ástandi þegar hafist var handa við að gera sjóklárt þá má segja að allt sé komið í fínasta stand og orðið eins og best verður á kosið. Mesti hrollurinn er farinn úr þessum gamla bát en kramið í honum er mjög gott og togar hann vel. Ganghraði skipsins kom mér á óvart en það má segja að meðalganghraði sé um 12 sml. og höfum við séð mest 16 sml.

Þessi túr sem verið er að landa núna gekk mjög vel og voru tekin fimm höl samtals og fegnust úr þeim þessi 1000 tonn sem við komum í skipið. Við vorum á Þórsbankanum og aðeins utan í Hvalbakshallinum en allur flotinn er á þessu svæði. Skipin stunda þessar veiðar nú af miklu kappi enda var settur kvóti á makrílinn samtals 112 þús. tonn og ætla allir sér sem stærsta köku af honum. Menn hafa ekki verið alveg sammála aðferðarfræðinni á bak við þessar veiðar og kvótasetninguna og ætla ég ekki að fara út í þá sálma hér og nú.

http://123.is/tobbivilla

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is