Taplausar Eyjastelpur slógu út Aftureldingu/Fjölni

28.Júní'09 | 09:45
1. deildar lið ÍBV vann góðan sigur á úrvalsdeildarliði Aftureldingar/Fjölnis í 2. umferð Visabikar kvenna í blíðskaparveðri á fallegum Varmávelli í Mosfellsbæ.
Leikurinn fór fjörlega af stað, ÍBV byrjaði mun betur og voru mun kraftmeiri til að byrja með. Þær hafa á að skipa mjög vel spilandi stelpum og héldu þær boltanum vel framan af en svo var eins og að lið Aftureldingar/Fjölnis hafi áttað sig á að lið ÍBV er alvöru lið og bættu sinn leik jafnt og þétt út fyrrihálfleik. Fyrrihálfleikur var vel spilaður af báðum liðum en lítið um marktækifæri.

Helstu atvik fyrrihálfleiks voru þau að á 7. Mínútu leiksins tekur Julia Bazi skot að marki ÍBV. Elísa Viðarsdóttir reynir að hreinsa frá en hrekkur þá boltinn í höndina á henni. Dómarinn var illa staðsettur og hefur eflaust ekki séð atvikið en ekki hefði verið ósanngjarnt að dæma víti.

Á 33. Mínútu að þá eftir barning í teig ÍBV að þá fék Sigríður Þóra Birgisdóttir góða sendingu inn í teig ÍBV en skaut rétt framhjá úr góðu færi og hefði klárlega mátt gera betur.

Á 37. mínútu skorar Þórhildur Ólafsdóttir glæsilegt mark með skalla eftir frábæra fyrirgjöf Sóleyjar Guðmundsdóttur. Það sem gerði þetta mark enn glæsilegra var að undirbúningur marksins var liðsins. Leikmenn ÍBV dreifðu spilinu innan liðsins, færðu boltann yfir á vinstri kantinn þar sem hin 16 ára gamla Sóley Guðmundsdóttir fékk sendingu upp kantinn, sendi glæsilegan bolta fyrir markið og beint á kollinn á Þórhildi Ólafsdóttur sem var ein og óvölduð inn í teig andstæðingsins og skallaði örugglega í netið, 0-1.

Mark ÍBV verðskuldað og var sem lið Aftureldingar/Fjölnis hafi vaknað af værum blundi og stjórnuðu þær leiknum nánast alfarið eftir markiðog var það rétt fyrir hálfleik sem lið Aftureldingar/Fjölnirs nær upp góðu spili. Boltinn barst til Sigríðar Þóru Birgisdóttur sem náði góðu skoti yfir markið af marklínu. Þarna hefði hún klárlega átt að gera betur.

Staðan í hálfleik 0-1 fyrir ÍBV og var það nokkuð sanngjarnt þegar á heildina var litið.
Seinnihálfleikur fór fjörlega af stað og voru ekki nema 10 sekúndur liðnar þegar ÍBV-stúlkur fóru beint í sókn og voruAfturelding/Fjölnir-stúlkur heppnar að hafa ekki fengið á sig annað mark en Sonný Lára Þráinsdóttir, markmaður varði glæsilega. Það var greinilegt að lið Aftureldingar/Fjölnis vaknað við þessa óvæntu árás ÍBV stúlkna, tóku völdin í sínar hendur og jöfnuðu þær leikinn á 49. mínútu með glæsilegu marki Sigríðar Þóru Birgisdóttur sem setti hann af 30 metra færi. 1-1.

Þetta mark var nánast það eina sem gerðist í seinni hálfleik. Seinni hálfleikur var spilaður nokkuð svipað og sá fyrri. Vel spilandi en engin hugmyndavinna fram á við og einkenndist leikurinn af góðu spili beggja liða og nokkrum hálffærum.

1-1 eftir venjulegan leiktíma og tók við fyrri framlenging. Ekkert markvert gerðist fyrr en í seinni framlenginu þegar lið ÍBV ákvað að klára leikinn. Þar var Kristín Erna Sigurlásdóttir í fararbroddi sem kom Eyjastúlkum yfir með glæsilegu marki. Kristín Erna fékk góða stungusendingu, nýtti hraðann sinn vel og lagði hún boltann snyrtilega í fjærhornið framhjá Sonný Láru Þráinsdóttur, góðum markmanni Aftureldingar/Fjölnis, 1-2.

Við það vaknaði ÍBV heldur betur til lífsins og var það á 116. mínútu sem Kristín Erna Sigurlásdóttir kláraði leikinn þega hún gabbaði vörn Aftureldingar/Fjölnis upp úr skónum. Hún fékk boltann inn í teig, gerði gabbhreyfingu og kláraði leikinn með glæsilegu marki í fjærhornið 1-3 fyrir ÍBV.

Leikurinn lauk svo 1-3 fyrir ungt lið ÍBV og má geta þess að í seinni framlengingu að þá var enginn leikmaður ÍBV, að markmanninum frátöldum yfir 21 árs.

Eitt mega þjálfarar beggja liðanna eiga að það var greinilega lagt upp með að spila fótbolta og eru liðin mynduð af ungum stelpum sem eiga framtíðina fyrir sér. Má þar helst nefna Þórhildi Ólafsdóttur, ÍBV, og Sigríði Þóru Birgisdóttur, Aftureldingu/Fjölni en báðar unnu þær sér inn sæti í U-19 ára landsliði Íslands sem mun taka þátt í lokakeppni EM sem fram fer í Hvíta Rússlandi, 13. júlí næstkomandi.

Menn leiksins: Elísa Viðarsdóttir, ÍBV, sem stjórnaði vörn liðsins á ótrúlega þroskaðan hátt miðað við að vera aðeins 18 ára gömul og Þórhildur Ólafsdóttir , ÍBV, sem batt liðið vel og stjórnaði leik liðsins.

Dómari: Jan Eric Jessen, góður
Aðstoðardómarar: Skúli Freyr Brynjólfsson og Ægir Magnússon, góðir.
Gul spjöld: Elísa Ósk Viðarsdóttir, Afturelding/Fjölnir, ´90, Elín Pálmadóttir, Afturelding/Fjölnir, ´93, Hlíf Hauksdóttir , ÍBV, ´110.
Áhorfendur: 50

Lið Aftureldingar/Fjölnis: Sonný Lára Þráinsdóttir (M), Ásta Sigrún Friðriksdóttir, Elína Pálmadóttir (F), María Rannveig Guðmundsdóttir, Sigríður Þóra Birgisdóttir, Margrét Þórólfsdóttir, Clare E. Sykes, Elísa Ósk Viðarsdóttir (út ´98), Julia Bazi, Amanda Johansson, Kristjana Ýr Þráinsdóttir (út ´67)
Varamenn: Aldís Mjöll Helgadóttir (inn ´98), Erla Guðmundsdóttir, Kristín Tryggvadóttir (inn ´67), Helena Konráðsdóttir, Erla Þórhallsdóttir.
Þjálfarar: Guðrún Jóna Kristjánsdóttir, Hlynur Áskelsson og Bóel Kristjánsdóttir

Lið ÍBV: Karitas Þórarinsdóttir (M), Hafdís Guðnadóttir, Saga Huld Helgadóttir, Laura East(út ´62), Elísa Viðarsdóttir, Becky Merrit (út ´78), Þórhildur Ólafsdóttir (F), Hlíf Hauksdóttir, Kristín Erna Sigurlásdóttir, Sóley Guðmundsdóttir (út ´108), Kolbrún I. Stefánsdóttir.
Varamenn: Herdís Gunnarsdóttir, Sara Einarsdóttir (inn ´78), Jóhanna S. Gunnarsdóttir (inn ´62), Bylgja D. Sigmarsdóttir (´108)
Þjálfarar: Jón Ólafur Daníelsson og Smári J. Jónsson

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.