Brutu hugsanlega sveitastjórnalög

26.Maí'09 | 11:45

Vestmannaeyjabær bærinn eyjar

„Þau viku ekki af fundi bæjarráðs né bæjarstjórnar þegar ráðningarnar voru ræddar og samþykktar," segir Páll Scheving Ingvarsson, oddviti V-listans í Vestmannaeyjum, en hann gagnrýnir verklag við ráðningar Sjálfstæðisflokksins harðlega.

Það var faðir Elliða Vignissonar, bæjarstjóra Vestmannaeyja, sem var ráðinn umsjónarmaður íþróttamiðstöðvarinnar. Eiginmaður formanns bæjarráðs, Páleyjar Borgþórsdóttur var síðan ráðin forstöðumaður sömu íþróttamiðstöðvar.

Með því að víkja ekki af fundum bæjarráðs og bæjarstjórnar þegar málið var tekið fyrir, telur Páll að Elliði og Páley hafi gerst brotleg við sveitastjórnarlög. En nítjánda grein sveitastjórnalaganna hljóðar svo:

„Sveitarstjórnarmanni ber að víkja sæti við meðferð og afgreiðslu máls þegar það varðar hann eða nána venslamenn hans svo sérstaklega að almennt má ætla að viljaafstaða hans mótist að einhverju leyti þar af."

Páll tekur sérstaklega fram að V-listinn er ekki að gagnrýna þá sem voru ráðnir til starfanna. Hann telur hinsvegar óheppilegt að málið hafi ekki ratað rétta leið og þar með tekið af allan vafa varðandi ráðningarnar.

„Við hvetjum bara menn til vandaðra vinnubragða. Á milli flokkanna hefur verið gott samstarf en síðan er farið með þetta mál eins og mannsmorð," segir Páll Scheving sem telur verklagið ámælisvert.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.