Sparisjóðurinn sem er fjármálastofnun hefur tapað gríðarlegum fjármunum uppá síðkastið.

22.Maí'09 | 16:32

Eyverjar

Eyverjar F.U.S. vilja vara bæjastjórn Vestmannaeyjabæjar við fyrirhuguðum áformum sínum um að leggja til 100 milljóna króna fjárveitingu til Sparisjóðs Vestmannaeyja.

Í ársreikningi sjóðsins fyrir árið 2007 kemur fram að eiginfjár staða hafi verið 1.848 milljónir króna. Þá höfðu stofnfjárbréf gengið kaupum og sölum milli aðila á upphæðum á bilinu 20-40 milljónir hvert bréf.

Þann 21. mars síðastliðin hafði Sparisjóðurinn hinsvegar óskað eftir fjárframlagi úr ríkissjóði ásamt sex öðrum illa stöddum sparisjóðum í landinu.

Áhættufjárfesting

Samkvæmt undantöldum atriðum má því telja að þær 100 milljónir sem bæjarstjórn Vestmannaeyja fyrirhugi að reiða fram til Sparisjóðsins sé umtalsvert áhættufé.

Það verður að teljast ótrúlegt að bærinn sjái sér fært að taka áhættu með slíka fjármuni í ljósi þeirra aðstæðna sem nú ríkja í þjóðfélaginu.

Hlutverk bæjarins

Á fáum árum hefur Vestmannaeyjabær færst úr hópi verst settu sveitarfélaga á landinu í hóp þeirra sem betur standa. Þessi árangur hefur náðst með hagræðingaraðgerðum og réttri ákvarðanatöku í fjármálastjórnun bæjarins.

Eyverjar telja þetta inngrip bæjaryfirvalda óheillaskref sérstaklega í ljósi þess að bærinn hefur dregið lappirnar í mikilvægum málum á borð við dagvistun barna sem er grunnþjónusta hvers sveitarfélags.

Mismunun

Fjárfesting sem þessi getur orkað tvímælis við jafnræðisreglu stjórnarskrárinnar. Þar sem fyrirtæki í rekstrarerfiðleikum sitja ekki öll við sama borð. Fjölmörg fyrirtæki hér í bæ hafa átt við rekstarerfiðleika að stríða í gegnum tíðina og ýmist farið á hausinn eða þurft að minnka við sína starfsemi. Fjölmörg þeirra hafa einnig unnið sig úr þeim erfiðleikum án þess að bærinn kæmi færandi hendi með skattfé bæjarbúa.

Eyverjar félag ungra sjálfstæðismann í Vestmannaeyjum
www.eyverjar.is

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.