Stöndum frekar með atvinnulífinu

14.Maí'09 | 16:08

xd

Félög ungra sjálfstæðismanna í Suðurkjördæmi lýsa yfir megnri óánægju með stjórnarsáttmála nýrrar ríkisstjórnar.
Stjórnarsáttmáli hinnar nýju vinstristjórnar er ekki til þess fallinn að leysa úr þeim vandræðum sem íslenskt atvinnulíf á við að etja um þessar mundir, heldur þvert á móti eykur hann á óvissuna með óljósu orðalagi og skýlausum hótunum um að keyra einn af undirstöðuatvinnuvegum þjóðarinnar í þrot.

Sáttmálinn lýsir ekki einasta áætlunum vinstristjórnarinnar um þjóðnýtingu sjávarútvegsins heldur er ýmsum áður fyrirhuguðum aðgerðum til atvinnuuppbyggingar, svo sem ákvörðunum um virkjunarmöguleika í neðri hluta Þjórsár, slegið á frest auk þess sem ekki einu orði er minnst á atvinnuuppbyggingu í Helguvík. Á tímum sem þessum, þar sem mikil óvissa ríkir vegna samdráttar, gjaldeyrishafta og hárra vaxta er óásættanlegt að stjórnmálamenn bæti pólitískri óvissu ofan á þungar byrðar atvinnuvega landsins með óábyrgu tali.

Það er sjálfsögð krafa að ríkisstjórnin tali skírt um jafn mikilvæg málefni og framtíðar atvinnuuppbyggingu, sérstaklega nú um stundir. Því átelja ungir sjálfstæðismenn í Suðurkjördæmi þessa aðför vinstristjórnarinnar að ákveðnum atvinnuvegum og hvetja hana frekar til þess að hlúa að þeim atvinnuvegum sem þegar eru að skapa tekjur fyrir þjóðarbúið.


Fimmtudaginn 14. maí 2009


Skaftfellingur, Austur Skaftafellssýslu
Fjölnir, Rangárvallasýslu
Eyverjar, Vestmannaeyjum
Hersir, Árnessýslu

FUS, Hveragerði
Loki, Garði, Sandgerði og Vogum
Freyja, Grindavík
Heimir, Reykjanesbæ

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.