Nágranni krefst þess að þaggað verði niður í hananum þannig að svefnfriður fáist

11.Maí'09 | 17:30

Lögreglan,

Það var frekar rólegt hjá lögreglu í vikunni sem leið og rólegt yfir skemmtanalífinu.  Þó þurfti lögreglan að aðstoða fólk sem hafði fengið sér heldur duglega neðan í því. 

Ein eignaspjöll voru tilkynnt til lögreglu í vikunni en um var að ræða skemmdir á loftnetssnúru sem skorði hafði verið á, aðfaranótt 4. maí sl.  Talið er að maður sem var gestkomandi í húsinu hafi skorið á snúruna eftir að honum hafði verið vísað út, en gleðskapur hafði verið í húsinu.  Hins vegar liggur ekki fyrir hver þetta var sem vísað var út þar sem húsráðandinn þekkti hann ekki.

Enn er kvartað yfir hananum sem haldið hefur vöku fyrir nágrönnum sínum og liggur núna fyrir kæra vegna brota á lögreglusamþykkt Vestmannaeyja um búfjárhald.  Kærandinn kvaðst vera búinn að fá nóg af ónæðinu og krefst þess að þaggað verði niður í hananum þannig að svefnfriður fáist.

Af umferðarmálum er það helst að frétta að einn ökumaður var stöðvaður sl. fimmtudag grunaður um akstur undir áhrifum fíkniefna.   Þá voru þrír ökumenn sektaðir fyrir að akstur án þess að hafa öryggisbeltið spennt í akstri. 

Þar sem sumarið er í nánd vill lögreglan foreldra og forráðamenn barna að fara yfir reglur varðandi reiðhjól með börnum sínum.  Sérstaklega vill lögreglan hvetja til notkunar hjálma við hjólreiðar því sannað er að þeir geta komið í veg fyrir alverleg höfuðmeiðsl.   Þá er rétt að minna á að börn yngra en 7 ára mega ekki hjóla á akbraut nema undir leiðsögn og eftirliti manns sem náð hefur 15 ára aldri.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.