Jákvæðir ársreikningar í kreppunni

7.Maí'09 | 16:49

Vestmannaeyjar Vestmannaeyjabær

Nú liggja ársreikningar fyrir árið 2008 fyrir.  Eins og seinustu 3 ár kemur árið vel út hvað varðar tekjur.  Heildartekjur bæjarsjóðs af skatttekjum námu um 1974 milljónum kr. og jukust um 12,36%.
Þetta skýrist af því að afar vel gekk í sjávarútvegi. Loðnuvertíð var þokkaleg, makríllinn var vítamínsprauta og kolmuninn kom sterkur inn. Í viðbót við þetta gekk vel í bolfiski og mikla vinnu að hafa. Á þessu sést að andstætt við það sem mörg borgarbörnin halda þá njótum við öll góðs af þegar vel gengur hjá sjávarútvegsfyrirtækjum. Framlag úr jöfnunarsjóði hækkaði um 42 millj. kr. á milli ára og heildar tekjur samstæðunnar fóru úr 2919 millj. árið 2007 í 3324 milljónir árið 2008. Sem sagt ævintýralegt tekjuár hjá okkur Eyjamönnum, þökk sé sjómönnunum okkar og starfsmönnum sjávarútvegsfyrirtækja í landi.

Búið að greiða niður erfiðustu lánin
Vestmannaeyjabær hefur allt þetat kjörtímabil verið að greiða niður áratuga gamlar skuldir og er búið að greiða niður skuldir fyrir u.þ.b. 1,4 milljarða á tveimur árum. Í upphafi kjörtímabils hreinsuðum við upp allar erlendar skuldir og má sem dæmi nefna að við greiddum upp 90 milljóna dollaralán þegar dollarinn var í 59 krónum. Lán þetta stæði í tæpum 200 milljónum núna. Skuldir á hvern íbúa hafa því lækkað verulega á kjörtímabilinu. Þannig námu kuldir á íbúa án lífeyrisskuldbindinga um 500 þúsund árið 2008 en voru 677 þús. kr. í árslok 2007. Þetta léttir mjög álaginu á rekstri okkar. Heildarskuldir og skuldbindingar okkar nú eru um 4344 milljónir og skiptir þar mestu að lífeyrisskuldbindingar eru 2275 milljónir.

Vestmannaeyjabær tapaði ekki fé á falli bankanna
Helstu tíðindi seinasta árs eru sennilega þau að þrátt fyrir að vera með um 4 milljarða í umferð í bankakerfinu tapiði Vestmannaeyjabær engum fjármunum við fall bankana s.l. haust. Þar skiptir sennilega mestu að við höfum sjálf annast alla okkar fjárstýringu og treyst á eigið hyggjuvit umfram blinda trú á ráðgjöf. Þá hefur glýja skjótfengins gróða ekki ýtt okkur í áhættusama ávöxtun. Við erum að höndla með fé sem bæjarbúar hafa byggt upp á áratugum og erum meðvituð um þá ábyrgð sem því fyglir

Samningurinn við Fasteign veldur okkur búsifjum
Áhyggjuefnið nú er samningurinn sem gerður var við Fasteign hf. árið 2004. Fyrsta heila árið sem þessar fasteignir voru leigðar eða árið 2005 námu leigugreiðslur 89 millj. kr. Árið 2006 voru leigugreiðslur kr. 93 millj. kr. og árið 2007 kr. 109 millj. Á árinu 2008 voru þessar leigugreiðslur kr. 151,4 millj. kr. Ástæða þess að leigan hækkar svona mikið er að leigan er að verulegum hluta tengd gengi evru ( EUR ). Við erum búin að leita logandi ljósi að einhverjum leiðum til að verja okkur fyrir þessu eða vinna úr erfiðri stöðu en samningurinn sem gerður var á sínum tíma settur okkur það þröngar skorður að enn höfum við ekki getað hreyft okkur. Við sitjum því uppi með þessar himin háu leigugreiðslur og getum ekkert gert annað en reynt að hagræða frekar í rekstri.

Mikilli hagræðingu hefur verið náð
Í heildina lítur rekstur okkar ágætlega út. Tekjur hafa verið stöðugar og heldur upp á við. Umtalsverðri hagræðingu hefur veri náð með skipulagsbreytingum eins og aldursskiptingu grunnskóla, sameiningu leikskóla, breytinga á safnarekstri og fleira. Þá hefur mikið verið skorið niður í yfirstjórn Vestmannaeyjabæjar. Yfirstjórnendum var fækkað um 25%, staða íþrótta- og æskulýðsfulltrúa lögð niður og verkefni flutt á aðra starfsmenn, staða leiksólastjóra var lögð niður, staða deildarstjóra í málefnum fatlaðara var lögð niður, staða yfirstjórnenda í safnarhúsi var lögð niður, deildarstjórum hefur verið fækkað og áfram má telja. Við reynum hinsvegar eftir fremsta megna að standa vörð um störf neðar í skipuritinu. Áhyggjur okkar núna eru þau að börnum á grunnskólaaldri er að fækka þegar stórir árgangar fara út og litlir koma inn.

Fólkinu fjölgar í Eyjunum enn
Við siglum því inn í kreppuna sterkari en flest sveitarfélög. Með samstilltu átaki eigum við að geta staðið hana að mestu af okkur þótt auðvitað bíti hún hér eins og annarstaðar. Þannig myndi ég til að mynda ekki útiloka það að komið gæti til frestunar á verklegum framkvæmdum. Það jákvæðasta af öllu er svo að í fyrra fjölgaði búsettum Eyjamönnum úr 4040 í 4090. Núna 1. maí 2009 eru búsettir Eyjamenn orðnir 4127. Þessi fjölgun er í samræmi við þau markmið sem núverandi bæjarstjórn setti sér í upphafi kjörtímabils. Sem sagt, "Fólkinu fjölgar í Eyjunum enn, og öllum ber saman um það, hér eigi það heima hér eigi það senn heimsins fegursta stað.".

 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.