Segir viðskiptaráðherra nánast hóta fólki

3.Maí'09 | 22:35

Eygló Harðardóttir

Eygló Harðardóttir, þingmaður Framsóknarflokksins, furðar sig á orðum Jóhönnu Sigurðardóttur forsætisráðherra og Gylfa Magnússonar viðskiptaráðherra í fréttum í dag um greiðsluaðlögun og greiðsluverkföll.
Jóhanna sagði að þeir sem myndu grípa til örþrifaráða eins og greiðsluverkfalls myndu ekki eiga rétt á greiðsluaðlögun. Þá sagði Gylfi Magnússon að ef fólk færi í greiðsluverkfall yrði það einungis til þess að auka atvinnu innheimtulögfræðinga.

„Skilyrðin sem eru sett eru svo ströng að fólk á hvort sem er ekki rétt á því að fá greiðsluaðlögun. Það eina sem fólk getur gert er að segja upp vinnunni sinni. Það hættir þá að geta greitt af lánunum sínum þangað til það er nánast orðið gjaldþrota. Og þá getur fólk kannski fengið greiðsluaðlögun hjá Héraðsdómi," segir Eygló. Hún bendir á að þetta sé ástæðan fyrir því að fólk sé að velta því fyrir sér að hætta að greiða. Það sjái ekki fram á að hafa tök á að greiða skuldir sínar. Ekkert úrræði sé til fyrir fólk sem ekki sér fram á gjaldþrot. „Það er ástæðan fyrir því að við höfum verið að hafa svona miklar áhyggjur af þessu, við framsóknarmenn og fleiri, meðal annars talsmaður neytenda núna síðast. Vegna þess að fólk getur ekki borgað," segir Eygló.

Eygló furðar sig líka á orðum Gylfa Magnússonar í dag. Enginn vilji hvetja fólk til þess að hætta að borga af skuldum sínum. En þegar viðskiptaráðherra nánast hóti fólki með því að tala um innheimtulögfræðinga sé hann að sýna aðstæðum fólks algjört skilningsleysi.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).