Vinstri stjórnin var mynduð á leynifundum á heimili Lúðvíks Bergvinssonar

2.Maí'09 | 08:15

Lúlli Lúðvík

Þreifingar um slit á ríkisstjórn Sjálfstæðisflokks og Samfylkingar og myndun minnihlutastjórnar Samfylkingar og Vinstri grænna með hlutleysi Framsóknarflokksins áttu sér stað á leynifundum á heimili Lúðvíks Bergvinssonar, þáverandi formanns þingflokks Samfylkingarinnar.
Þetta er fullyrt á vef DV og vitnað til afmælisveislu Lúðvíks Bergvinssonar á Skólabrú í gærkvöldi, þar sem forystumenn Samfylkingar og Vinstri grænna héldu ræður honum til heiðurs og héldu þar þessu fram.
DV hefur eftir veislugestum að Steingrímur J. Sigfússon, formaður VG og fjármálaráðherra, hafi sagt í sinni ræðu að um 20 janúar hefði hann, Ögmundur Jónasson og Össur Skarphéðinsson setið á fundum á heimili Lúðvíks við að smíða nýja ríkisstjórn úr því sú fyrri var úrbrædd og byltingarástand á götum úti.

Haft er eftir Össuri Skarphéðinssyni utanríkisráðherra að best væri að skíra nýja ríkisstjórn VG og Samfylkingarinnar Gnitanesstjórnina eftir fundastaðnum og heimili Lúðvíks, þar sem lagður var grunnur að samstarfi VG og Samfylkingar um stjórn landsins.

Þegar tímasetning leynifunda fjórmenninganna á heimili Lúðvíks er skoðuð nánar, kemur í ljós að þetta er á sama tíma og Ingibjörg Sólrún Gísladóttir, þáverandi formaður Samfylkingarinnar, var í veikindaleyfi í Svíþjóð. Sögur gengu þá um möguleg stjórnarslit og Samfylkingarfélagið í Reykjavík efndi til fjölmenns fundar í Þjóðleikhússkjallaranum, þar sem beinlínis var hvatt til stjórnarslita hið snarasta. Sjálfstæðismenn sögðu þá að formaður Samfylkingarinnar segði í samtölum sínum við Geir H. Haarde, formann Sjálfstæðisflokksins, að samstarfið hvíldi á traustum grunni og það myndi halda áfram.

Ekki liggur fyrir hvort umræddir fundir hafi verið haldnir á heimili Lúðvíks Bergvinssonar með vitund og vilja Ingibjargar Sólrúnar, en hún mun þó hafa verið meðal veislugesta í afmæli hans í gærkvöldi og er ekki vitað til þess að hún hafi gert athugasemdir við ræðuhöld þeirra Össurar og Steingríms J. Sigfússonar.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is