Fásinna að sjálfstæðismenn í Árborg hafi unnið gegn Árna

30.Apríl'09 | 10:48

xd sjálfstæðisflokkurinn

Ólafur Hafsteinn Jónsson, formaður fulltrúaráðs sjálfstæðismanna í Árborg, afneitar með öllu í yfirlýsingu hér á Sunnlendingi að hann hafi tekið þátt í atlögu að Árna Johnsen þar sem kjósendur hafi verið hvattir til að strika yfir nafn Árna í kosningunum. „Það er algjör fásinna að við Sjálfstæðismenn í Árborg höfum staðið fyrir skipulögðum útstrikunum á Árna Johnsen Alþingismanni," segir í yfirlýsingunni.

Í viðtali við héraðsfréttablaðið Fréttir í Vestmannaeyjum, sem kom út í gær, ber Árni flokksfélaga sína í Árborg mjög þungum sökum og kennir þeim um að 17% kjósenda Sjálfstæðisflokks í Suðurkjördæmi hafi strikað yfir nafn hans í Kosningunum. „...ég veit að það var sett af stað batterí á Árborgarsvæðinu mér til höfuðs, bæði af ungliðum og eldri flokksmönnum. Þau hringdu út, sögðu fólki að kjósa Sjálfstæðisflokkinn en strika mig út," segir Árni.

Sömu sökum ber Árni þá frambjóðendur á lista Sjálfstæðisflokksins í Suðurkjördæmi sem koma af Árborgarsvæðinu. „Verst þykir mér þegar frambjóðendur á listanum á Árborgarsvæðinu taka þátt í þessu," segir Árni Johnsen í viðtalinu.

Ólafur Hafsteinn Jónsson, formaður fulltrúaráðs sjálfstæðismanna í Árborg, segir Árna vega mjög ómaklega að sjálfstæðismönnum í Árborg með ásökunum sínum. „Það hlýtur að vera umhugsunarefni fyrir mig, sem formann fulltrúaráðs Árborgar, hvort maður á að leggja heiður sinn að veði til þess að vinna fyrir slíka menn," segir Ólafur.

Tekið af www.sunnlendingur.is

 

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.