Árni Johnsen niður um þingsæti

27.Apríl'09 | 08:46

arni

Í alþingiskosningunum í gær strikuðu 17% kjósenda Sjálfstæðisflokksins í Suðurkjördæmi yfir nafn Árna Johnsen og færist hann niður um eitt þingsæti. Þetta þýðir að Unnur Brá Konráðsdóttir, sem er nýr þingmaður, verður annar þingmaður Sjálfstæðisflokksins í kjördæminu og færist upp fyrir Árna.
Í heildina var 24,4% atkvæða Sjálfstæðisflokksins í Suðurkjördæmi breytt, að sögn Karls Gauta Hjaltasonar, formanns yfirkjörstjórnar í kjördæminu. Fyrir tveimur árum var strikað yfir nafn Árna á 22% atkvæða og þá færðist hann einnig niður um þingsæti.

Björgvin G. Sigurðsson lenti í útstrikunum að þessu sinni og var hann strikaður út af 8,3% kjósenda Samfylkingar. Það mun þó ekki hafa áhrif á röðunina á lista Samfylkingarinnar í Suðurkjördæmi.
8,3% kjósenda Samfylkingarinnar í Suðurkjördæmi strikuðu yfir nafn Björgvins G. Sigurðssonar.

Allt útlit er fyrir að Árni Johnsen verði sá frambjóðandi sem oftast er strikað yfir í þessum kosningum. Búist er við töluvert mörgum útstrikunum í Reykjavíkurkjördæmunum tveim, en breytt atkvæði í þessum kjördæmum hafa ekki verið flokkuð og talin. Sú vinna hefst á morgun og mun hún líklega taka að minnsta kosti tvo daga, að sögn formanna yfirkjörstjórna í þessum kjördæmum. Raunveruleg áhrif útstrikana í Reykjavík, ef einhver eru, ættu því að liggja fyrir um miðja vikuna.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.