Ætlar að syngja Eyjamenn edrú

25.Apríl'09 | 07:43
„Þetta er gamall draumur. Og mikill heiður. Ég er þakklátur fyrir þetta tækifæri og mun leggja mig allan fram um að skemmta gestum," segir Geir Ólafsson söngvari sem hefur verið ráðinn til að skemmta á Þjóðhátíð.
Undirbúningur Þjóðhátíðar í Eyjum stendur nú yfir þó enn séu þrír mánuðir í verslunarmannahelgi. Eyjamenn búast við metþátttöku. Og hafa það fyrir sér í því að aldrei hafa fleiri skráð sig með Herjólfi og með flugi til Eyja dagana sem hátíðin stendur yfir. Að sögn Birgis Guðjónssonar, formanns Þjóðhátíðarnefndar, mættu ríflega tíu þúsund manns í fyrra. Ekki liggur fyrir hvert metið er en það er í kringum tíu til tólf þúsund manns. Menn eru nú að stækka tjaldsvæðin í Herjólfsdal því það stefnir í metþátttöku.

Geir Ólafs segir aðspurður ekki búið að ganga frá kaupi og kjörum en lætur það liggja á milli hluta. „Þeir höfðu samband. Ég hafði boðið fram krafta mína áður og þeir telja minn tíma kominn núna. Ég er þakklátur fyrir það. Ég verð með undirleikinn á diski og er að bæta við dagskrá mína. Nei, ég er ekki í tónlist peninganna vegna heldur fyrst og fremst til að gleðja aðra og auðga styrk hjartans," segir Geir. Söngvarinn er bláedrú og aðspurður hvernig honum lítist á að vera innan um þúsundir manna sem spara hvergi söngvatnið við þetta tækifæri segist hann alvanur því að vera innan um drukkið fólk. Og kemur svo á óvart með djarfri yfirlýsingu: „Svo geri ég liðið edrú með góðum söng."

Þegar þessi orð Geirs eru borin undir formann Þjóðhátíðarnefndar setur hann nánast hljóðan. „Já, þú meinar það? Þetta kemur á óvart. Margir hafa reynt þetta en ekki tekist. En ég veit ekki hvað hann er magnaður maðurinn. Söngvatnið fræga flýtur og það er ekki leiðinlegt. Og erfitt að breyta 130 ára gamalli hefð. Ég held að Geir sé eitthvað að skjóta út í loftið," segir Birgir.
Auk Geirs hefur verið gengið frá því að Sálin hans Jóns míns og Skíta­mórall koma fram á Þjóðhátíð í Eyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).