Alþýðubandalagið veitir styrki til líknar og félagsmála

24.Apríl'09 | 11:39

Vestmannaeyjar Vestmannaeyjabær

Í gær, sumardaginn fyrsta veitti Aþýðubadalagsfélag Vestmannaeyja styrki til nokkurra félagasamtaka og stofnana í Vestmannaeyjum. Af því tilefni var boðað til hófs á Kaffi Kró og styrkirnir veittir. Í ávarpi sem Ragnar Óskarsson flutti var við það tækifæri sagði m.a.:

Alþýðubandalagsfélag Vestmannaeyja sem nú er hætt starfsemi sinni sem stjórnmálaflokkur átti á seinni hluta síðustu aldar og þar til nýlega húsnæði sem notað var undir starfsemi félagsins en að auki var í hluta húsnæðisins atvinnustarfsemi af ýmsu tagi, s.s verslanir og prentsmiðja svo eitthvað sé nefnt. Þegar starfsemi Alþýðubandalagsins sem stjórnmálaflokks var hætt samþykkti félagið að selja húsnæðið og nota söluverð þess til að styrkja og efla málefni sem  lúta að líknar- og samfélagsverkefnum. Frá því að þetta gerðist er liðinn nokkur tími en snemma á þessu ári barst tilboð í húsnæðið og þar með var teningnum kastað, húsnæðið var selt.

Nú er því komið að því að nota andvirði sölunnar í  samræmi við það sem félagið hafði ákveðið.
Stjórn Alþýðubandalagsfélags Vestmannaeyja settist niður og fór yfir möguleika til afhendingar styrkja og eftir nokkrar vangaveltur varð niðurstaðan sú að boða ykkur hingað til að  taka við styrk til starfsemi ykkar og ykkar félaga. Þannig vill Alþýðubandalagsfélag Vestmannaeyja sýna ykkur þakklætisvott fyri það mikilvæga og ósérgjarna starf sem þið innið af hendi og hafið gert um lengri eða skemmri tíma. Við viljum jafnframt með þesssum styrk minnast þeirra fjölmörgu og góðu Alþýðubandalagsfélaga sem með vinnu sinni gerðu okkar ágæta félagi kleift að eignast það húsnæði sem við erum nú með þessum hætti að færa samfélagi okkar hér í Vestmannaeyjum. 

Sumardagurinn fyrsti varð fyrir valinu vegna þess að hann er  jafnan tákn um bjarta tíð og með því látum við í ljós von okkar um að þeir styrkir sem hér verð veittir megi með einhverjum hætti stuðla að bjartri tið fyrir ykkar störf. Þeir sem hljóta styrkina eru:
1. Þroskahjálp
2. Íþróttafélagið Ægir
3. Sambýlið
4. Hamar
5. Kvenfélagið Líkn
6. Einhugur
7. Dvalarheimilið Hraunbúðir
8. Björgunarfélag Vestmannaeyja
9. Slökkvilið Vestmannaeyja
10. Slysavarnardeildin Eykyndill
11. Vestmannaeyjadeild Rauða kross Íslands

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-