Sæl er sameiginleg eymd

15.Apríl'09 | 10:41

Halli páls

Nú í aðdraganda kosninga hafa margir spekingar komið fram undir merkjum vinstri flokkana og talað fyrir þeirra sjónarmiðum. Nema hvað, þeirra helsta sjónarmið virðist vera stjórnartíð Sjálfstæðisflokksins og sá árafjöldi sem hann var hér við stýrið.

Þegar maður lítur hinsvegar út fyrir landsteinana og opnar blessuð augun, þá er getur maður séð að ástandið í öðrum ríkjum er um það bil það sama ef ekki mikið verra.

Hér á klakanum erum við einfaldlega orðin góðu vön og er þar sennilega mikið þeim hagvexti og þeirri efnahagsstjórn Sjálfstæðisflokksins um að kenna síðustu árin. Ég talaði nú við einn pólverja síðustu helgi og hann var bara hissa á hvernig við létum hérna, því þetta væri engin kreppa að hans mati. Ástandið hér væri enn mikið betra en í Póllandi enda hefur kommúnisminn leikið landann þar grátt um árabil.

G20 ríkin hittust nú á dögunum og var farið yfir efnahagsástand heimsins, líklega vegna þess að Sjálfstæðisflokkurinn hefur verið í ríkisstjórn í öllum ríkjum heims eða þá að Íslenska hagkerfið hafi lagt heiminn á hliðina.

Fólk sem trúir þessum fullyrðingum vinstri flokkana verður einfaldlega að hugsa hlutina tvisvar og í samhengi. Hér er á landi er tekið það hart í árina og óbeint kennt einum stjórnmálaflokki um efnahagsástand heimsins. Á sama tíma forðast vinstri menn að segja svo mikið sem eitt orð um sína stefnuskrá, kannski einfaldlega vegna þess að hún er ekki til þess gerð að koma okkur út úr krísunni, heldur dýpra ofan í krísuna.

Viljum við virkilega sjá hér á Íslandi..

  • Himinháa skatta
  • Verslanir reknar af ríkinu
  • Eintóma ríkismiðla
  • Ríkisútgerð
  • Samyrkjubú
  • Skert tjáningarfrelsi, ritskoðun internetsins, netlöggu eða KGB
  • Takmarkað persónufrelsi og big brother sem fylgist með því sem við gerum
  • Eða herskyldu í gegnum sameiginlegan her Evrópusambandsins

Við þurfum ekki að flétta mörgum bókum til að sjá að samfélög sem hafa haft eftirfarandi að leiðarljósi hafa hreinlega ekki vegnað vel og ríkisrekstur hefur sjaldan sem aldrei skilað hagnaði.
Hvernig tíma viljum við horfa til á Íslandi. Ætlum við að sitja eftir á meðan aðrar skynsamari þjóðir vinna sig út úr vandanum á verðleik einstaklingana og hugmyndaflugi þeirra.
Eða viljum við sökkva svo langt ofan í reiðina, hatrið og öfundina. Þannig að örugglega allir muni hafa það jafn ömurlegt á Íslandi í komandi framtíð.

Haraldur Pálsson
Stjórnarmaður í Eyverjum FUS

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.