FH vann ÍBV í 7 marka leik

5.Apríl'09 | 19:09

Liðsmynd ÍBV Karla fótbolti 2008 taka 2

FH marði sigur á ÍBV í Lengjubikar karla í dag en eftir að ÍBV hafði náð 0-2 forystu skoraði FH þrjú mörk og komst yfir áður en hvort lið um sig bætti við einu marki og lokastaðan 4-3 fyrir FH.
Viðar Örn Kjartansson heldur áfram að vera duglegur að setja mörkin fyrir ÍBV og skoraði fyrstu tvö mörk leiksins. Fyrst skoraði hann með föstu skoti í teignum og bætti svo öðru marki við með skalla.

Matthías Guðmundsson minnkaði muninn fyrir FH rétt áður en flautað var til hálfleiks en hann tók þá boltann á lofti hægra megin í vítateignum og setti hann í nær hornið.

FH-ingar fengu svo vítaspyrnu á 51. mínútu eftir að boltinn hafði farið í hendi leikmanns ÍBV innan vítateigs. Tryggvi Guðmundsson tók spyrnuna en Albert Sævarsson varði glæsilega í horn.

Um miðjan síðari hálfleikinn jafnaði Matthías Guðmundsson svo metin fyrir FH-inga. Atli Viðar Björnsson hafði þá átt skot af stuttu færi sem Þórarinn Valdimarsson varði á marklínu en Matthías fylgdi vel á eftir og skoraði.

Guðmundur Sævarsson kom FH svo yfir þegar stundarfjórðungur var eftir með góðu skoti hægra megin í teignum eftir samspil við Tryggva Guðmundsson en aðeins mínútu síðar jafnaði Arnór Eyvar Ólafsson metin fyrir ÍBV með frábæru skoti en hann tók boltann á lofti og þrumaði beint á markið fyrir utan teig.

Það var svo varamaðurinn Freyr Bjarnason sem tryggði FH sigurinn í leiknum með skalla eftir hornspyrnu á 83. mínútu og lokastaðan 4-3 fyrir FH sem er með fullt hús stiga, tólf stig úr fjórum leikjum og er komið í undanúrslitin. Þetta var lokaleikur ÍBV sem endar riðillinn með sex stig.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is